Shymkent qalasy Qoǵamdyq keńesi men Shymkent qalasy “Adilet Group” zań konsýltanttar Palatasy arasynda ózara yntymaqtastyq týraly Memorandým jasaldy, dep jazady "Adyrna" ulttyq portaly.
Bul jaıynda Shymkent qalasy Qoǵamdyq Keńesiniń tóraǵasy Baýyrjan Alteev myrzaǵa habarlasqanymyzda: "Bizdiń Qoǵamdyq keńeske qanshama usynystar men ótinishter kelip otyrady. Al onyń úlken bóligi zań aıasynda sheshilýi kerek máseleler. Sondyqtan, bizderge zańdyq- konsýltaııalyq baǵa berýshi mekemelerge muqtajdyǵymyz artyp keledi. 28 shilde kúngi Keńes otyrysynda Shymkent qalasy Qoǵamdyq Keńesi men Shymkent qalasy “Adilet Group” zań konsýltanttar Palatasy arasynda memorandýmǵa otyrý máselesin usyndym. Usynysym Keńes múshelerdiń basym daýys berýimen maquldanyp, Shymkent qalasy Qoǵamdyq Keńesi men "Adilet group" zańgerler palatasy arasynda ózara áriptestik memorandýmyna qol qoıyldy. Bul tarıhı sát! Óıtkeni, elimizdegi Qoǵamdyq keńester arasynda Zańgerler palatasymen yntymaqtastyq memorandýmy alǵashqy ret jasalyp otyr", - dep málimdedi.
"Adyrna" ulttyq portaly
