Qazaqstanda jyl saiyn şılde aiynyŋ alǧaşqy jeksenbısınde Ūlttyq Dombyra künı atap ötıledı. Biyl būl mereke 6 şıldede toilanbaq, dep habarlaidy "Adyrna" tılşısı.
2018 jyly Prezidenttıŋ bastamasymen bekıtılgen būl mereke ūlttyq bıregeilıktı nyǧaituǧa, jastardyŋ dästürlı mädenietke qyzyǧuşylyǧyn oiatuǧa jäne ūrpaqtar sabaqtastyǧyn nasihattauǧa baǧyttalǧan.
Qazaqstan Respublikasy Mädeniet jäne aqparat ministrlıgı osy künge orai respublikalyq ıs-şaralar josparyn bekıttı.
Biyl el kölemınde 300-ge juyq ıs-şara ūiymdastyrylady, onyŋ 200-den astamy öŋırlerde josparlanǧan.
6 şılde künı Almaty qalasyndaǧy MEGA Alma-Ata aşyq alaŋynda Qūrmanǧazy atyndaǧy Qazaq ūlttyq halyq aspaptary orkestrınıŋ merekelık konsertı ötedı. Sonymen qatar Köktöbe saiabaǧynyŋ alaŋynda «Dombyra party» atty saltanatty konsert ūiymdastyrylady.
Astanadaǧy amfiteatr alaŋynda Ūlttyq Dombyra künıne arnalǧan merekelık konsert ötedı.
Qazaqstan Respublikasynyŋ Ūlttyq muzeiınde körnektı kompozitor Nūrǧisa Tılendievtıŋ 100 jyldyǧyna arnalǧan konsert ūiymdastyrylady.
Jambyl oblysynda, «Köne Taraz» arheologiialyq saiabaǧy aumaǧynda «Ūlttyq dombyra künı – baba ünıne qūrmet» atty muzykalyq keş ötedı.
Türkıstanda, «Äzıret Sūltan» tarihi-mädeni muzei-qoryǧynyŋ alaŋynda «Dombyra – dastan» atty mädeni-köpşılık ıs-şara ūiymdastyrylady.
Sonymen qatar, elımızde Dombyra künıne orai chellendj ötıp jatyr, oǧan 100-ge juyq mädeniet salasynyŋ körnektı ökılı qatysuda.
