Sportshy Jánibek Álimhanuly jekpe-jekke shyǵar aldynda uıymdastyrýshylar Qazaqstan Respýblıkasynyń eski ánuranyn qosqan, dep habarlaıdy “Adyrna” ulttyq portaly.
Avstralııanyń Sıdneı qalasynda ótken boks keshinde uıymdastyrýshylar jańa zelandııalyq Andreı Mıhaılovıchke óz eliniń ánuranyn, el sportshysyna Qazaqstannyń eski gımnin qosqan.
Jánibektiń jekpe-jeginde Qazaqstannyń eski ánurany qoıylǵanyna jattyqtyrýshylar men kórermen qarsy boldy. Alaıda narazylyqqa qaramastan eski gımn tolyq shyrqalǵan.
Jekpe-jekti kórsetip jatqan Qazsport telearnasynyń kommentatory bul áreketke qatysty jekpe-jek aldynda qazaqstandyqqa ádeıi qysym kórsetýdiń amaly bolýy múmkin degen pikirin bildirgen edi.
Aıta keteıik, 4 qazan kúni qazaqstandyq boksshy Jánibek Álimhanuly jańa zelandııalyq Andreı Mıhaılovıchty toǵyzynshy raýndta nokaýtpen qulatyp, jeńiske qol jetkizdi.
