Astana LRT isi boıynsha sottalǵandar ashtyq jarııalady. Olar apellıaııalyq satydaǵy isti qaraý otyrysyna qosýdy talap etip jatyr. Barlyǵy da elordadaǵy E 166/1 jazasyn óteý mekemesinde otyr, – dep habarlaıdy "Adyrna" ulttyq portaly KTK arnasyna silteme jasap.
Ashtyqty 8 jylǵa bas bostandyǵynan aıyrylǵan Ulyqbek Achılov jeksenbi kúni bastap ketken. Achılov kolonııa basshysy men Bas prokýratýraǵa jáne sotqa joldaǵan habarlamasynda apellıaııa shaǵymyn qaraý barysyn onlaın-translıaııa arqyly kórsetýdi talap etken.
Sottalýshy sotqa tikeleı qatysyp, óz oıyn aıtý múmkindigin surapty. Ulyqbek Achılov kezinde Astana LRT-nyń qosalqy merdigeri «NýrTreıd» seriktestiginiń dırektory bolǵan.
Segiz jylǵa bas bostandyǵynan aıyrylǵan merdigerdiń ókili Tımýr Qasabaev, jeti jylǵa túrmege toǵytylǵan Astana Innoveıshenstiń burynǵy basqarma tóraǵasy Talǵat Áshim te ashtyq jarııalap jatyr.
Al eks-depýtat ári Nur-Sultan qalalyq máslıhatynyń burynǵy hatshysy, segiz jylǵa sottalǵan Janat Nurpeıisov ashtyqtan densaýlyǵyna baılanysty bas tartypty.
Buǵan deıin apellıaııalyq shaǵymdy qaraý kezinde Talǵat Áshimniń advokaty klıentiniń júrek talmasy ustaǵanyn habarlaǵan. Ashtyq jarııalaǵandardyń barlyǵy dárigerlerdiń baqylaýynda.
– Mekeme ákimshiligine, onyń ishinde is materıaldarymen tanysýǵa qatysty esh narazylyq joq. «Adamdardy qoǵamnan ýaqytsha oqshaýlaýdy qamtamasyz etetin arnaýly mekemelerde, arnaýly úı-jaılarda ustaýdyń tártibi men sharttary týraly» QR Zańynyń 41-babynyń talaptaryna sáıkes, mekeme basshylyǵy sebebin anyqtaý, sondaı-aq qylmystyq isti júrgizip jatqan organdy, Nur-Sultan qalasynyń prokýratýrasyn habardar etý jónindegi sharalardy qabyldady, – deıdi Nur-Sultan qalasy qylmystyq atqarý júıesi departamentiniń baspasóz qyzmetimen baılanys jónindegi mamany Aqtoty Bekenova.
"Adyrna" ulttyq portaly
