Qazırgı taŋda ekonomikalyq odaqqa tüsetın kedendık bajdyŋ 6,955%-yn Qazaqstan, 1,9%yn Qyrǧyzstan, 1,22%yn Armeniia, 4,86%-yn Belarus, 85,065%-yn Resei alyp otyr. Elımız osy kedendık baj salyǧyn 6,955%dan joǧary kötere me degen sūraqqa Premer-ministrdıŋ orynbasary – ūlttyq ekonomika ministrı Serık Jūmanǧarin jauap berdı, dep habarlaidy “Adyrna”.
Serık Jūmanǧarinnyŋ aituynşa, qazır kedendık baj salyǧy somalaryn bölu kezınde Qazaqstannyŋ ülesın qaita qarau mümkın emes. Sebebı ol būl mäsele oŋ şeşıluı üşın Resei men Belarustıŋ kelısımı qajet ekenın eskerttı.
«Ol üşın konsensus kerek. Bärı kelısuı tiıs. Al qazır Resei men Belarustıŋ statistikasy jabyq. Esepteu öte qiyn. Bız de bıraz ūsynystardy engızdık. Bükıl deŋgeide. Joǧary deŋgeide, tıptı prezidentter deŋgeiınde köterdık. Ol jūmysty ärine, jalǧastyramyz. Bıraq qazır konsensusqa jetu öte qiyn, mümkın emes deuge bolady.
Bızdıŋ de öz esebımız bar. Ol ädıstemege bailanysty. Ärine, esep bolsa Qazaqstan paida köredı. Qazır 6,955 paiyz. 7 paiyz dep esepteuge bolmaidy. Naqty aitu kerek. Jalpy aitqanda, keibır ädıstemelerde 7,3 paiyz qylyp jıberedı. Būdan da köbırek bolady. Keibır ädıstemelerde 7,5 paiyz boldy. Būl şotqa bailanysty. Olardyŋ da öz qarsy ūsynystary bar, – deidı Jūmanǧarin.
