Tálibter jýrnalısterdi aıamaı soqqyǵa jyqqan

2470
Adyrna.kz Telegram

"Talıban" qozǵalysynyń sodyrlary Kabýlda áıelderdiń narazylyqqa shyqqanyn jarııalaǵany úshin eki aýǵan jýrnalısin uryp soqqan, - dep habarlaıdy “Adyrna” ulttyq portaly Tengrinews.kz saıtyna silteme jasap.

 Reuters agenttiginiń málimetinshe, sodyrlar jýrnalısterdi reportaj jasap jatqan jerinen ustap, keıin olardy qamshymen aıaýsyz urǵan.

Etilaat Roz gazetiniń negizin qalaýshy jáne bas redaktory áleýmettik jelilerde eki tilshiniń sýretterin bólisken. Olardyń biriniń beli men aıaǵynda úlken qyzyl izder bar, ekinshisiniń ıyǵynda jáne qolynda.

"Bes áriptesimiz tergeý ızolıatorynda tórt saǵattan artyq otyrdy, jáne osy tórt saǵat ishinde ekeýin uryp-soǵyp qatty azaptaǵan", - dedi redaktor.

Zardap shekkender aýrýhanaǵa jetkizildi.

"Etilaat Roz gazetiniń jýrnalısteri tálipter ustaǵannan keıin soqqyǵa jyǵyldy. Eki tilshiniń basynda, betinde jáne denesinde qamshynyń izderi bar", - delingen resmı habarlamada.

Jaqynda aýǵan áıelderi el basqarýǵa qatystyrýdy talap etip narazylyqqa shyqqan bolatyn. Al, tálipter ýaqytsha úkimettiń quramyn jarııalap, áıelder bılikte bola almaıtynyn aıtqan.

Bul aýǵan halqy jańa bılik saıasatyna narazylyq bildirgen alǵashqy akııa emes. Jetinshi qyrkúıekte Kabýl turǵyndary Pákistannyń vedomstvoaralyq barlaý basshysy Faız Hamıdtiń qalaǵa kelýinen keıin kóshege shyqty. Narazylyq bildirýshilerdiń kópshiligi - áıelder. Akııany taratý úshin tálipter ot jaǵyp, qatysýshylardy taıaqpen urǵany týraly habarlandy. Sol kúni narazylyqtar Kabýldyń soltústigindegi Parvan provınııasynda, sondaı-aq eldiń batysyndaǵy provınııa ortalyǵy Geratta boldy.

Pikirler