AQSh prezıdenti Djo Baıden Qazaqstan Respýblıkasyndaǵy tótenshe jáne ókiletti elshi qyzmetine Danıel Rozenblıýmniń kandıdatýrasyn usyndy. Bul týraly Aq úı saıtynda jarııalandy, dep habarlaıdy “Adyrna” ulttyq portaly.
"Prezıdent Djo Baıden óz ákimshiliginiń negizgi basshylary retinde myna tulǵalardy taǵaıyndaý nıetin málimdedi: Denıel N. Rozenblıým - Qazaqstan Respýblıkasyndaǵy tótenshe jáne ókiletti elshi laýazymyna úmitker", - delingen habarlamada.
Rozenblıým 2019 jyldan beri AQSh-tyń Ózbekstandaǵy elshisi qyzmetin atqarǵan.
2014 jylǵy shildeden 2018 jylǵy shildege deıin Ońtústik jáne Ortalyq Azııa isteri boıynsha Memlekettik departament bıýrosynda memlekettik hatshy kómekshisiniń orynbasary qyzmetin atqarǵan.
AQSh-tyń Qazaqstandaǵy elshisi Ýılıam Mozer dıplomatııalyq mıssııasyn 2021 jyldyń qyrkúıeginde aıaqtady. Byltyr qazannan bastap AQSh elshisi mindetin Djýdı Kýo atqaryp keledi.
”Adyrna” ulttyq portaly
