Tunistegı sot eldıŋ būrynǧy prezidentı Monsef Marzukidı syrttai 22 jylǧa bas bostandyǧynan aiyrdy, dep habarlaidy "Adyrna" ūlttyq portaly Reuters-ke sılteme jasap.
79 jastaǧy saiasatker qazırgı memleket basşysy Kais Saidtyŋ aşyq synşysy bolyp esepteledı. Ol qazır Parijde quǧynda jür. Sot ükımı boiynşa Marzuki memlekettık qauıpsızdıkke qauıp töndırdı degen aiyppen jazalanǧan.
«Būl sottyŋ ükımı – zaŋsyz. Erteŋ būl ükımdı şyǧarǧandardyŋ özderı sot aldynda jauap beredı. Tunistegı demokratiia mındettı türde qaita oralady», – dedı Marzuki sot şeşımıne qatysty pıkırınde.
Marzuki 2011–2014 jyldar aralyǧynda Tunistıŋ prezidentı qyzmetın atqarǧan. Ol qazırgı prezident Saidty parlamenttı taratyp, avtoritarlyq rejim ornatty dep ünemı synǧa alyp keledı. Said öz kezegınde būl äreketterdı el ışındegı tūraqtylyqty saqtau maqsatynda jasalǧan dep tüsındıredı.
Būl – Marzukige şyǧarylǧan üşınşı sot ükımı.
Soŋǧy jyldary Tunis ekonomikalyq daǧdarysqa ūşyrap otyr. Elde halyq kofe, süt, qant siiaqty negızgı azyq-tülıkke qol jetkızude qiyndyq körude.
2021 jyly Said ükımettı taratyp, parlamenttıŋ jūmysyn toqtatqan. Keiın jaŋa Konstitusiia qabyldatyp, ökılettıgın keŋeittı. Alaida, ekonomikalyq jaǧdaidy jaqsarta almady.
2023 jyly Tuniste bırneşe märte jappai narazylyq aksiialary ötıp, halyq Saidtyŋ otstavkasyn talap ettı.
