«Aqjaiyq» memlekettık tabiǧi rezervaty aumaǧyndaǧy ört saldaryn joiu jönındegı jedel ştabtyŋ köşpelı otyrysy öttı.
Qazırgı uaqytta şymtezek qabattarynyŋ janyp jatqan oşaqtaryn söndıru jūmystary jalǧasyp jatyr.
Jedel mälımetterge säikes, qazırgı kezde aşyq jalyn oşaqtary tırkelmegen – ört oqşaulanǧan. Negızgı küş şymtezek pen qamystyŋ tleuın tolyq söndıruge baǧyttalǧan. Jūmystar täulık boiy jürgızılude. Qaita janudyŋ aldyn alu maqsatynda örtengen aumaqtar su qūiylyp, topyraqpen jabyluda.
Örttıŋ saldaryn joiuǧa şamamen 150 adam, 40 tehnika bırlıgı jäne 2 tıkūşaq jūmyldyrylǧan. Otyrysta Tötenşe jaǧdailar departamentınıŋ bastyǧy Nūrlan Janabaev pen oblys äkımınıŋ orynbasary Qairat Nūrtaev qazırgı jaǧdai men qabyldanyp jatqan şaralar boiynşa baiandama jasady.
Oblys äkımı barlyq janu oşaqtary tolyǧymen joiylǧanşa jūmysty bäseŋdetpeudı, jaǧdaidy tūraqty baqylauda ūstaudy jäne barlyq qyzmetterdıŋ tolyq üilesımdı jūmysyn qamtamasyz etudı tapsyrdy.
Ört oşaǧyn baqylau men oqşaulau tiımdılıgın arttyru maqsatynda jylu tüsırgışpen jabdyqtalǧan dron qoldanyluda. İnfraqyzyl tüsırılım aumaqtyŋ joǧary temperaturaly bölıkterın, sonyŋ ışınde şymtezektıŋ tereŋ qabattaryndaǧy tleu oşaqtaryn anyqtauǧa mümkındık beredı. Būl äsırese qol jetuı qiyn aimaqtarda öte maŋyzdy.
Jylu tüsırgıştı dron qoldanu mümkındıgı:
- jasyryn janu oşaqtaryn jedel anyqtau;
- joǧary temperaturaly aimaqtardy däl belgıleu;
- küş pen tehnikany basym baǧyttarǧa jıberu;
- örttıŋ qaita tūtanuyn aldyn ala eskertu.
Otyrysta oblys äkımı örttıŋ şyǧu sebepterıne qatysty pıkır bıldırdı:
«Äleumettık jelılerde «Aqjaiyq» rezervaty aumaǧyndaǧy örtke qatysty türlı nūsqalar tarap jatyr. Osyǧan bailanysty menıŋ tapsyrmammen barlyq jaǧdailar men boljamdar tiıstı organdar tarapynan mūqiiat tekserılude. Eger ört adamnyŋ — äsırese qasaqana äreketınıŋ saldarynan şyqqany däleldense, kınälıler zaŋǧa säikes jauapkerşılıkke tartylady», — dedı öŋır basşysy.
Tekseru barysy turaly jūrtşylyq pen būqaralyq aqparat qūraldaryna qosymşa aqparat berıletını aityldy.
Serık Şäpkenov «Aqjaiyqtaǧy» ört – baqylau tarihyndaǧy eŋ ūzaqqa sozylǧandardyŋ bırı bolǧanyn jäne būl bırqatar jüielı mäselelerdı aiqyn körsetkenın atap öttı.
«Kaspiidıŋ tartyluy men aumaqtyŋ qatty qamystanuy — būl mäselenıŋ bolaşaqta öŋır üşın ülken syn bolatynyn körsetedı. Bız būl mäselege jüielı türde qarauymyz qajet. Örttı söndıru jūmystary aiaqtalǧannan keiın, Ekologiia ministrlıgı jäne Tötenşe jaǧdailar ministrlıgımen bırlese otyryp, mūndai jaǧdailardyŋ aldyn alu boiynşa keşendı jospar äzırlenıp, qabyldanady», — dedı äkım.
Oblys äkımı örttı söndıruge qatysqan barlyq mamandarǧa alǧysyn bıldırdı:
«Qūrmettı jerlester, uaqytpen sanaspai, osy kürdelı ärı maŋyzdy jūmysty atqaryp jatqan barlyq qyzmetkerlerge şyn jürekten alǧysymdy bıldıremın. Būl – käsıbilık pen tabandylyqty talap etetın naǧyz komandalyq jūmys».
«Sondai-aq osy qiyn kezeŋde sabyrlyq, qoldau jäne tüsınıstık tanytqan oblys tūrǧyndaryna erekşe alǧysymdy bıldıremın», — dep tüiındedı Serık Şäpkenov.
