Jetisý oblysy, Panfılov aýdany, Sholaqaı aýylynda 15 jastaǵy qyzdyń máıiti tabyldy. Bul týraly jýrnalıst Qanat Ábilqaıyr óziniń feısbýk paraqshasynda habarlady, dep jazady "Adyrna" ulttyq portaly.
"Qyzdyń tolyq aty-jóni Qısabekova Quralaı Erbolqyzy. 2007 jyly 25 mamyrda dúnıege kelgen. Bıyl atalǵan aýyl mektebinde 9 synypty támamdaǵan. Týystarynyń aıtýynsha, 21 shildede úıinen ketip oralmaǵan. Máıit araǵa apta salyp, 28-shildede tabyldy. Kúdikti retinde buǵan deıin de sottalǵan, 1984 jyly týǵan A.R atty azamat qamaýǵa alyndy. Ol jas qyzdy aıýandyqpen zorlap, máıitti órtep, qyzdyń denesin kómip tastaǵan. Oqıǵa barysy ulttyq sıpat alyp bara jatqandyqtan, qazir Sholaqaı aýylynda qaýipsizdik sharasy kúsheıtilgen", - dep jazdy ol.
"Adyrna" ulttyq portaly
