Qyzylordada shańyraqtyń shyraıyn kirgizip, otbasylyq qundylyqtardy dáriptegen ónegeli januıalar marapat bıiginen kórindi. "Mereıli otbasy" ulttyq baıqaýyna qatysqan úlgili otbasylardyń qatary taǵy da tolyqty. Bıyldyń ózinde baıqaýǵa 1700-ge jýyq otbasy ótinim berip, onyń 178-i qatysýǵa joldama alǵan. Búgin «Dostyq» úıinde ulttyq baıqaýdyń oblystyq jeńimpazdaryn marapattaý saltanaty ótti.
Oblys ákimi Nurlybek Nálibaev jeńimpazdardy quttyqtap, elimizde otbasy ınstıtýty árqashan erekshe qurmet pen qoldaýǵa ıe bolatynyn jetkizip, shańyraqtyń tútinin túzý ushyryp, otbasyna bereke syılaǵan januıalarǵa qurmet kórsetti.
— Qazaq halqy úshin otbasy – qasıetti uǵym, qasterli qundylyq. Otbasynyń birligi – otannyń beriktigi, aǵaıynnyń tatýlyǵy – atamekenniń tutastyǵy, ulttyq tárbıeniń, adamgershilik pen ımandylyqtyń bastaý bulaǵy. Memleket basshysy Qasym-Jomart Kemeluly Toqaev «Árbir otbasyn saqtaý – otanymyzdyń berik bolýynyń kepili. Olardyń árqaısysyna tutastyq pen tatýlyqtyń dástúrin ornyqtyrýymyz kerek», - dep aıtqan bolatyn.
2014 jyldan bastaý alǵan «Mereıli otbasy» ulttyq konkýrsy otbasy qundylyqtary men qazaq úshin qashanda kıeli sanalatyn bir shańyraq astynda berekeli ómir súrýdiń mańyzdylyǵyn nasıhattaýda orny erekshe, taǵylymdy shara. Bul baıqaýǵa qatysqan otbasylardyń barlyǵy da – naǵyz mereıli jeńimpazdar, - dedi aımaq basshysy N.Nálibaev.
«Mereıli otbasy» ulttyq konkýrsynyń oblystyq irikteý kezeńiniń qorytyndysy boıynsha jalaǵashtyq Mashtaevtar otbasy júldeli III oryndy, Shıeli aýdanynan qatysqan Ryspembetovter áýleti júldeli II oryndy ıelendi. Júldeli I orynǵa Qyzylorda qalasynyń Ermanovtar otbasy I oryn ıemdense, shıelilik Baıjanovtar otbasy bas júldege laıyq dep tanylyp, elordadaǵy respýblıkalyq saıysqa óńir atynan joldama aldy.
Oblys ákimi Nurlybek Mashbekuly jeńimpaz atanǵan otbasylarǵa baǵaly syılyqtar men arnaıy dıplomdar tabystady.
Sondaı-aq, baıqaýǵa belsendi qatysyp, ulttyq qundylyq pen otbasy mereıin joǵarylatý baǵytyndaǵy ónegesin kórsete bilgen otbasylar arnaıy nomınaııalarmen marapattaldy. Atap aıtqanda, qazalylyq Súleımenovter áýleti «Ónerli otbasy», qarmaqshylyq Berdibaevtar januıasy «Ónegeli otbasy», qarmaqshylyq Shamshatovtar áýleti «Úlgili otbasy», jalaǵashtyq Beknııazovtar shańyraǵy «Berekeli otbasy», araldyq Sydyqovtar áýleti «Talant tuǵyry otbasy», syrdarııalyq Esenhojaevtar áýleti «Ozat otbasy», jańaqorǵandyq Tólegenovter januıasy «Tolaǵaılar otbasy» nomınaııalarymen jáne arnaıy júlde qorymen marapattaldy.
Saltanatty jıynda Qazaqstannyń eńbek sińirgen ártisi Kúlán Qalymbetova, QR Mádenıet qaıratkeri, jyraý Rýslan Ahmetov pen onyń shákirtteri jáne «Reverans» bı toby óner kórsetip, ónegeli otbasylarǵa qurmet sezimin ánmen jetkizdi.
