Týa bitti erekshe jan bolsa da, ózin jan-jaqty damyta bilgen Qyzylorda oblysynyń týmasy kásipker ári aqyn Qýanysh Nurjigitovpen “Jastardy áleýmettendirý jáne ońaltý” jobasy aıasynda, “NEET Jastardyń qundylyǵy” taqyrybyndaǵy kezdesý ótti. Bul joba QR Aqparat jáne qoǵamdyq damý mınıstrligi men “Azamattyq bastamalardy qoldaý ortalyǵynyń” qoldaýymen iske asýda.
“Adyrna” ulttyq portalynyń prezıdenti Arman Áýbákir kezdesý barysynda Qýanysh Nurjigitovke “Alǵys hat” berdi.
Jas kásipker ári óner jolyna qadam basqan jas aqyn Qýanysh myrza “Adyrna” tilshisine de qysqa suhbat berdi.
-Qýanysh myrza, ózińizdi oqyrmandarǵa tolyǵyraq tanystyra ketseńiz?
-Biz osydan 2 jyl buryn anam ekeýmiz qurt ónimderin satatyn “Aq jaılaý” atty dúkenimizdi ashqan bolatynbyz.
Kásipten bólek qazir óner salasynda da júrmin. Arasynda óleń jazatyn qasıetim de bar.
Ózim tórt aǵaıyndymyn. Jasym 20 da, birinshi toptaǵy múgedek janmyn.
Qazir kásibim kishkene toqtap tur, alaıda ári qaraı jalǵastyramyn. Óner jaǵyna keler bolsaq, jetken jetistikterim kóp. Dıplomdarym bar. Óleń jazyp júrgenime 3 jyldaı bolyp qaldy. Týǵan kúnim tamyzdyń 12-si. Soǵan oraı, Qyzylorda jastary ortalyǵynda shyǵarmashylyq keshim bolady. Qazir soǵan daıyndyq qyzý júrip jatyr.
-Qazirgi tańda, qandaı arman, maqsatyńyz bar?
-Atyraýdanmyn dedińiz ǵoı ıá, qatelespesem, Mańǵystaý sizderge jaqyn ǵoı?
Sol Mańǵystaýdan shyqqan Murat Qoja, Aıgúl Qosanova, Aqylbek Jemeneı aǵalarymyzdyń ánderin tyńdaımyn. Sol kisilerdiń ánderin tyńdap óstim. Izderin basyp kele jatyrmyn.
Meniń armanym, Aqylbek Jemeneı aǵammen kezdessem dep oılap júr edim. Aǵammen bir sahnada án aıtqym keledi. Ánderin jatqa bilemin. Elge tanymal ánderi óte kóp qoı.
-Ózińiz sahnamen dossyz ba?
-Men de sahnaǵa shyǵyp júrgen ánshimin. Qyzylordada ótken múmkindigi shekteýli jandardyń arasynda ótken “Jigit sultany” baıqaýynyń jeńimpazymyn.
-Ózińizdi jan-jaqty damytqan ekensiz. Ózińiz sekildi jas býynǵa qandaı keńes aıtasyz?
-Arzan kúlkige keletin bolsaq, bizge onyń esh qajeti joq. Qazirgi jastar arzan kúlkige qarq bolyp, adamdardy shettetip, mazaqtap jatady. Ony quptamaımyn.
Kóbine jastar sheteldiń ánderin ánderin kóp tyńdaıdy. Onyń bizge qajeti shamaly. Óıtkeni, onyń ornyna qazaqtyń halyq ánderin, dástúrli ánderin, dombyrasyn tyńdaý kerek dep oılaımyn.
Ózim úıde bos ýaqytymda, kásipten bólek, dombyra tartamyn. Jas aıtysker aqynmyn. Biraz aqyndarmen kezdeskenmin.
Atyraýdan qatelespesem, Isahaev Salaýat degen aǵamyz bar. Jatqan jeri jaıly bolsyn. Keremet aıtysker edi...
Jalpy, jastarǵa aıtarym, shetelge eliktegenshe, qazaqtyń óz ánderimen sýsyndaǵan jón.
Báleden aýlaq bop, jamandyqqa ermeı, jaqsylyqqa ilesken óte durys qadam.
Bireýdiń aqylyn tyńdaǵansha, óz aqylymyzdy paıdalanyp, óz erkindigimiz bolýy kerek.
Otanymyz ózim sııaqty el jastarynan úlken úmit kútip otyr.
Prezıdentimiz aıtqandaı, Jańa Qazaqstanda jańa ózgerister bolýy kerek.
Suhbattasqanyńyzǵa raqmet!
“Adyrna” ulttyq portaly
