NIS Qazaqstandy álemdik bilim berý keńistigine ıntegraııalaýda

2741
Adyrna.kz Telegram

Nazarbaev Zııatkerlik mektepteri NIS-tiń álemdik standarttaryn rastaıtyn bedeldi eýropalyq sertıfıkatqa ıe boldy, dep habarlaıdy “Adyrna” ulttyq portaly.

Germanııadaǵy ACQUIN-niń shtab-páterinde Kúlásh Shámshıdınovaǵa NIS Pedagogıkalyq sheberlik ortalyǵyn jańa sertıfıkattaý týraly kýálik tabystaldy.

Germanııanyń Baıroıt qalasyndaǵy ACQUIN-niń shtab-páterinde «Nazarbaev Zııatkerlik mektepteri» DBBU basqarma tóraıymy Kúlásh Shámshıdınovaǵa Pedagogıkalyq sheberlik ortalyǵynyń jańa jetistigi týraly kýálik tabys etildi. Bul – muǵalimderdiń kásibı damýyndaǵy «Mektep komandasy: tıimdi basqarý jáne bilim berý sapasy» atty ózekti baǵdarlamasyn shartsyz sertıfıkattaý.

Mıýnhen qalasyndaǵy Qazaqstan Respýblıkasynyń Bas konsýly Denıs Rogov NIS-ti jańasha tanylýymen birinshi bolyp quttyqtady.

ACQUIN akkredıtteý, sertıfıkattaý jáne sapany qamtamasyz etý ınstıtýty «Nazarbaev Zııatkerlik mektepteri» derbes bilim berý uıymynyń joǵary standarttary men Pedagogıkalyq sheberlik ortalyǵynyń kásibı jetistikterin moıyndady. ACQUIN baǵdarlamalyq jáne ınstıtýıonaldy akkredıtteý bóliminiń basshysy Iasmın Rýdolf NIS-tiń Qazaqstandy álemdik bilim berý keńistigine ıntegraııalaǵanyn erekshe atap ótti. ACQUIN akkredıtteý bóliminiń úılestirýshisi Iýlııa Balakshıı sertıfıkattaýmen jumys istegen ACQUIN-niń Shveıarııa men Germanııadaǵy sarapshylary ózderiniń bilim berý júıelerinde Nazarbaev Zııatkerlik mektepteriniń kásibı komandasy daıyndaǵan tabysty sheshimderdi engizýge daıyn ekenderin jetkizdi.

"Pedagogıkalyq sheberlik ortalyǵy qosymsha kásiptik bilim berý júıesinde syrtqy saraptamaǵa arnalǵan baǵdarlamalardy elimizde birinshi bolyp usyndy. ACQUIN ókilderi Pedagogıkalyq sheberlik ortalyǵynyń barlyq baǵdarlamalary shartsyz sertıfıkattaýdan birden ótkenin aıtty",– deıdi Pedagogıkalyq sheberlik ortalyǵynyń dırektory Janbota Kabdykarımova.

Jańa tanylý PShO-nyń úsh jyl boıy bedeldi eýropalyq agenttikte ótip jatqan mańyzdy akkredıtaııalarynyń aýqymdy serııasyn jalǵastyrdy.

Germanııadaǵy akkredıtteý, sertıfıkattaý jáne sapany qamtamasyz etý ınstıtýtynda osyǵan deıin Pedagogıkalyq sheberlik ortalyǵy ázirlegen on baǵdarlama akkredıttelgen. Olar muǵalimniń kóshbasshylyǵyna, tıimdi oqytý men qazirgi bilim berýdegi basqa da ózekti basymdyqtarǵa baǵyttalǵan. Bul mekteptiń top-menedjmentine, matematıka muǵalimderi men psıhologtarǵa, sondaı-aq joǵary oqý oryndarynyń, kolledjder men mektepke deıingi bilim berý uıymdarynyń oqytýshylaryna arnalǵan taqyryptyq baǵdarlamalar, sonyń ishinde «Muǵalim tájirıbesindegi zertteý» kýrsy. Pedagogterdiń kásibı damýy úshin jasaqtalǵan barlyq baǵdarlamalar búginde elimizde tabysty jumys isteýde.

"Mindetti syrtqy baǵalaý standarttary sapa saıasatyna sáıkestikti, baǵdarlamalardy ázirleý men bekitýdiń ashyq jáne standarttalǵan rásimderin, oqytý men baǵalaýdyń joǵary deńgeıin, trenerler quramynyń absolıýtti kásibıligin, turaqty resýrstyq bazany jáne júıeli monıtorıngti qamtıdy", – dep atap ótti «Mektep komandasy» jobasynyń menedjeri Aısha Sadyqova.

Pedagogıkalyq sheberlik ortalyǵynyń tabysty damýynyń kelesi kezeńinde ınstıtýıonaldy akkredıtteýden ótý josparda tur.

Bedeldi ACQUIN akkredıtteý agenttigi bilim berý salasyndaǵy sapany qamtamasyz etýge arnalǵan barlyq tıisti halyqaralyq qaýymdastyqtar men jobalyq bastamalardyń múshesi bolyp tabylady, 2009 jyldan bastap joǵary bilim berý sapasyn qamtamasyz etýdiń Eýropalyq tiziliminde tirkelgen. Strategııalyq basymdyqtary – baǵdarlamalyq jáne ınstıtýıonaldy akkredıtteýdiń halyqaralyq proedýralary, Eýropalyq Odaqtyń ǵylymı jobalary.

Pikirler