Musa Shormanuly óz zamanynyń úlken tulǵasy. Onyń urpaqtary da qazaq tarıhynda ózindik orny bar azamattar. "Mádenıet" portaly jaqsy habar jarııalady: "Memleket jáne qoǵam qaıratkeri, aǵartýshy Musa Shormanulynyń týǵanyna bıyl 200 jyl. Osyǵan oraı tarıhı tulǵanyń eli Baıanaýyl aýdanynyń Teńdik aýylynda Musa Shormanuly kesenesiniń qurylysy bastaldy. Tarıh betterine úńilip, ótkenge sholý jasaıtyn bolsaq, alaqandaı Teńdik aýylynda arǵysy Buqar Jyraý, Musa Shormanuly, bergisi Qanysh Sátbaıdyń kindik qany tamǵan. Búginde qazaq eliniń betbelgisi altyn adamdy álemge tatyntqan Kemel Aqyshev ta sol aýyldyń týmasy. «Rýhanı jańǵyrý» rýhymyzdy kóterdi degen bastamashyl top kesene qurylysymen qatar úlken zırattyń mańaıyn retke keltirmek. Sonymen qatar Shorman áýletine arnalǵan mýzeı ashý kózdelgen.
Amanjol Sáıpıuly, Musa Shormanulynyń urpaǵy:
- Shoqan Ýálıhanov týǵan naǵashysy. Musa Shormanulynyń qaryndasynan týyp otyr. Qazaqtyń jastary oqysyn, alǵa jyljysyn, qarańǵylyqtan kózderi ashylsyn degen kisiniń biri. Buqar Jyraý babamyz sııaqty mavzoleıi bolsa deımiz. Bári suraıdy, bul kim, qaıdan kelgen dep.
Altynbek Nuhuly, uıymdastyrý komıtetiniń tóraǵasy, PMPÝ rektory:
- Bergi akademıkterdi qosyp aıta berýge bolady. Myna eskertkishti kórip tursyzdar, Ábikeı Sádýaqasov – dál sol Aqkelinde týǵan azamat. Endi osyndaı uly ǵulamalar, aǵartýshylar – elimizdiń, qazaq eliniń maqtanyshtary. Týǵan aýyldy kórkeıtý bul búgingi kúni úlken bir maqtanysh bolyp otyr jáne sol arýaqtar aldyndaǵy taǵzym retindegi is bolady dep oılaımyn".
Egemen Qazaqstan ekonomıkasymen qatar mádenıe rýhanı túzelý jolynda da jańa jetistikterge jetip keledi.
"ADYRNA" ulttyq portaly
