مۇسا شورمانۇلى تۋرالى جاقسى جاڭالىق

4700
Adyrna.kz Telegram

مۇسا شورمانۇلى ءوز زامانىنىڭ ۇلكەن تۇلعاسى. ونىڭ ۇرپاقتارى دا قازاق تاريحىندا وزىندىك ورنى بار ازاماتتار. "مادەنيەت" پورتالى جاقسى حابار جاريالادى: "مەملەكەت جانە قوعام قايراتكەرى، اعارتۋشى مۇسا شورمانۇلىنىڭ تۋعانىنا بيىل 200 جىل. وسىعان وراي تاريحي تۇلعانىڭ ەلى باياناۋىل اۋدانىنىڭ تەڭدىك اۋىلىندا مۇسا شورمانۇلى كەسەنەسىنىڭ قۇرىلىسى باستالدى. تاريح بەتتەرىنە ءۇڭىلىپ، وتكەنگە شولۋ جاسايتىن بولساق، الاقانداي تەڭدىك اۋىلىندا ارعىسى بۇقار جىراۋ، مۇسا شورمانۇلى، بەرگىسى قانىش ءساتبايدىڭ كىندىك قانى تامعان. بۇگىندە قازاق ەلىنىڭ بەتبەلگىسى التىن ادامدى الەمگە تاتىنتقان كەمەل اقىشەۆ تا سول اۋىلدىڭ تۋماسى. «رۋحاني جاڭعىرۋ» رۋحىمىزدى كوتەردى دەگەن باستاماشىل توپ كەسەنە قۇرىلىسىمەن قاتار ۇلكەن زيراتتىڭ ماڭايىن رەتكە كەلتىرمەك. سونىمەن قاتار شورمان اۋلەتىنە ارنالعان مۋزەي اشۋ كوزدەلگەن.

امانجول ءسايپيۇلى، مۇسا شورمانۇلىنىڭ ۇرپاعى:

- شوقان ءۋاليحانوۆ تۋعان ناعاشىسى. مۇسا شورمانۇلىنىڭ قارىنداسىنان تۋىپ وتىر. قازاقتىڭ جاستارى وقىسىن، العا جىلجىسىن، قاراڭعىلىقتان كوزدەرى اشىلسىن دەگەن كىسىنىڭ ءبىرى. بۇقار جىراۋ بابامىز سياقتى ماۆزولەيى بولسا دەيمىز. ءبارى سۇرايدى، بۇل كىم، قايدان كەلگەن دەپ.

التىنبەك نۇحۇلى، ۇيىمداستىرۋ كوميتەتىنىڭ توراعاسى، پمپۋ رەكتورى:

- بەرگى اكادەميكتەردى قوسىپ ايتا بەرۋگە بولادى. مىنا ەسكەرتكىشتى كورىپ تۇرسىزدار، ابىكەي سادۋاقاسوۆ – ءدال سول اقكەلىندە تۋعان ازامات. ەندى وسىنداي ۇلى عۇلامالار، اعارتۋشىلار – ەلىمىزدىڭ، قازاق ەلىنىڭ ماقتانىشتارى. تۋعان اۋىلدى كوركەيتۋ بۇل بۇگىنگى كۇنى ۇلكەن ءبىر ماقتانىش بولىپ وتىر جانە سول ارۋاقتار الدىنداعى تاعزىم رەتىندەگى ءىس بولادى دەپ ويلايمىن".

ەگەمەن قازاقستان ەكونوميكاسىمەن قاتار مادەنيە رۋحاني تۇزەلۋ جولىندا دا جاڭا جەتىستىكتەرگە جەتىپ كەلەدى.

"ادىرنا" ۇلتتىق پورتالى

 

پىكىرلەر