Beibıt İsabaevtyŋ tūrǧyndarmen alǧaşqy kezdesuı Eskeldı audanynda öttı

Bügın Jetısu oblysynyŋ äkımı Beibıt İsabaev tūrǧyndarmen alǧaşqy kezdesuın Eskeldı audanynda ötkızdı. Qarabūlaqtaǧy mädeniet üiınde ötken jiynda oblys basşysy köpşılıktı öŋırdıŋ äleumettık-ekonomikalyq damuynan qysqaşa habardar etıp, audan basşylyǧynyŋ aldyna naqty mındetter qoidy. Kezdesude tūrǧyndar negızınen auyz su men aryq jüiesın jürgızu, gazdandyru, äleumettık nysandardy jöndeu men salu, jaiylymdyq jer mäselelerın köterdı, - dep habarlaidy Jetısu oblysy äkımınıŋ baspasöz qyzmetı. Beibıt İsabaev El Prezidentı oblys basşylyǧynyŋ aldyna azamattardyŋ tūrmys jaǧdaiyn, äl-auqatyn arttyruǧa qatysty problemalardy şeşu men Jetısu oblysyn äleumettık-ekonomikalyq tūrǧydan odan ärı damytu mındetterın qoiǧanyn atap öttı. Sol siiaqty Eskeldı audanynyŋ ekonomikasyndaǧy erekşelıkterge, basymdyq beretın baǧyttarǧa toqtaldy. Mäselen, audan qant qyzylşasyn eguden aimaqta 1-şı orynda, iaǧni oblystaǧy jalpy egıstıktıŋ 29%-yn qūraidy. Sonymen qatar audannyŋ kartop şaruaşylyǧyn, onyŋ ışınde Chipsy men Fri öndırısın damytu äleuetı zor. - Alaida audanda öŋdeuşı käsıporyndar joq, syiymdylyǧy mol zamanaui kökönıs saqtau qoimalary jäne toŋazytqyştary joqtyŋ qasy. Mal şaruaşylyǧynda mal basynyŋ sany 50 myŋǧa juyq bolsa da, nebary 4 bordaqylau alaŋy jäne 2 şūjyq sehy bar. Jylyna orta eseppen 34 myŋ tonna süt öndırıledı, 7 tauarly süt fermasy bar, bıraq tek 2 mekeme ǧana süt önımderın şyǧarady. Būl jetkılıksız, - dedı oblys basşysy. Sol siiaqty paidalanylmai jatqan auyl şaruaşylyǧy jerlerın anyqtap, memleket menşıgıne qaitaru jūmystaryna, jaŋa investisiia tartyp, öŋdeu önerkäsıpterın aşu, jūmys oryndaryn qūru, balyq jäne jylyjai şaruaşylyqtaryna nazar audaru, auyz su, gazdandyru, suaru jelılerın jürgızu siiaqty köptegen mäselelerge basa köŋıl böludı tapsyrdy. «Syrtqy naryqqa baǧdarlana otyryp, sapaly auyl şaruaşylyǧy önımderın öndıru üşın jaŋa tehnologiialardy belsendı engızu kerek», - dedı B.İsabaev. Būǧan deiın Eskeldı audanynda äkımderdıŋ nebary bır jyl kölemınde ǧana jūmys ıstep ketkenın tılge tiek etken oblys basşysy aldaǧy uaqytta kelesı taǧaiyndalatyn äkımnıŋ öz qyzmetın neǧūrlym ūzaq merzım atqaruyna, bastaǧan jobalaryn aiaqtauyna mümkındık bergen jön ekenın atap öttı. Osy jiynda jalpy sany 15 tūrǧyn 40-qa juyq sūraq qoidy. Saualdardyŋ basym köpşılıgı auyz su men baqşa suaratyn aryq suyna qatysty boldy. Osy mäselelerdı Kökjazyq, Jaŋalyq, Aqyn Sara, Melkombinat, Baiysov auyldarynyŋ tūrǧyndary köterdı. Sol siiaqty eldı mekenderge gaz tartu mäselesı de - köpşılıktıŋ mazalaityn taqyryptardyŋ bırı. Jalpy audannyŋ ortalyq auyz su jüiesımen qamtylu deŋgeiı joǧary bolǧanymen, 40% jelınıŋ tozyǧy jetken. Qazır Qarabūlaq, Aqtūma, Aqeşkı, Syrymbet, Aldabergenov, Terektı auyldarynda sumen qamtu jüielerınıŋ qūrylysyn jürıgızu men qaita jaŋǧyrtu qolǧa alynuda. Taǧy ekı auylda osyndai qūrylystyŋ qūjattary äzırlenıp jatyr. Sondai-aq äzırge audandaǧy 3 eldı mekenge ǧana gaz jetkızılgen. Ötken jyly 4 auylǧa gaz taratu jelısın salu bastalsa, biyl taǧy 4 auyl osyndai josparǧa engızılıp, qarjysy qarastyrylǧan. Solardyŋ ışınde tūrǧyndary saual qoiǧan Kökjazyq, Baiysov auyldary da bar. Sondai-aq aitylǧan saual-ötınışter negızınde oblys äkımınıŋ orynbasary Älıbek Jaqanbaevtyŋ jetekşılıgımen arnaiy komissiia bırneşe auyldaǧy aryq jüiesınıŋ kemşılıkterı, ony tüzetu joldaryn qarastyratyn bolady. Aldabergenov auylynyŋ tūrǧyny Madiiar Aqjoltaev erekşe qajettılıgı bar bala tärbielep otyrǧan ata-ana retınde balalardy oŋaltu ortalyǧyn aşu turaly ūsynys bıldırgen edı. Ötınışke bailanysty audan basşylyǧynyŋ aituynşa, atalǧan auylda bos tūrǧan eskı mekteptıŋ ǧimaratyn paidalanuǧa bolady. Beibıt İsabaev aldymen ǧimarattyŋ jaramdy-jaramsyzdyǧy turaly tiıstı mamandarǧa saraptama jasatyp, anyqtau kerektıgın aitty. «Balalardyŋ ömırıne qauıpsız bolsa, onda sol ǧimaratty qalpyna keltırıp, ortalyq jasauǧa bolady. Eger qauıp bolsa, onda basqa jolyn qarastyru kerek. Balalardyŋ ömırı bız üşın bärınen qymbat», - dedı oblys äkımı. Şymyr auylyna balabaqşa jäne stadion, Jalǧyzaǧaş auylyna mädeniet üiı, Jaŋalyq, Eşkıölmes auyldaryna mektep kerek degen ūsynystaryn jetkızgen audan tūrǧyndaryna Beibıt İsabaev: - Audandar bölınısınde äleumettık nysandardyŋ sany qanşa, hal-ahualy qandai, halyq sanyna qarai sūranys deŋgeiı qandai, sonyŋ bärıne tolyq tügendeu jürgızemız. Sol boiynşa kelesı jyly bırınşı kezekte qandai nysandar salynady, aldaǧy 3-5 jyldaǧy mejemız qandai, biudjettıŋ mümkındıgıne qarai osynyŋ bärın josparlap, jūmys jasaityn bolamyz, - dedı. Kezdesuden keiın oblys äkımı jeke azamattar üşın qabyldau ötkızdı.