Búgin oblys ákimi Ǵalı Esqalıev tóraǵalyǵymen «El birligi – jańarǵan Qazaqstannyń tiregi» taqyrybynda Batys Qazaqstan oblysy Qazaqstan halqy Assambleıasynyń XXIV sessııasy ótti.
Sessııa jumysyna óńirdegi etnomádenı birlestikter, oblystyq Assambleıanyń qurylymdylyq bólimsheleri, qoǵamdyq kelisim, aqsaqaldar jáne analar keńesteri, memlekettik organdar, bıznes ókilderi, jastar qozǵalysy men eriktiler jáne buqaralyq aqparat quraldarynyń ókilderi qatysty.
Oblys ákimi óziniń sózinde oblystyq assambleıa músheleriniń nazaryn Memleket basshysy Q.K.Toqaev belgilegen basym mindetterdi oryndaýǵa aýdardy, bul - QHAA múshelerin, oblystyq Assambleıanyń qoǵamdyq qurylymdaryn saıası reformalardy iske asyrýǵa belsendi qosý, qazaqstandyq patrıotızm, azamattyq teńquqyqtyq qaǵıdattaryn, memlekettik tildiń biriktirýshi rólin, alýan túrliliktegi birlikti ilgeriletý jáne aqparattyq jumysty kúsheıtý.
Kún tártibi boıynsha alǵashqy sóz alǵan oblystyq «Oral óńiri» gazetiniń bas redaktory, BQO QHA Jýrnalıster klýbynyń múshesi B.Ǵubaıdýllın Ulytaýdaǵy ulttyq Quryltaıdyń qatysýshysy retinde el damýynyń tarıhı kezeńi, jalpyulttyq birlikti nyǵaıtý jóninde keleli oılaryn ortaǵa salyp, masyldyq pıǵylmen kúresý, otbasylyq qundylyqtardy dáripteý týrasynda pikirin jetkizdi.
«BQO Orys mádenı ortalyǵy» qoǵamdyq birlestiginiń tóraǵasy S.Bykov Elordasynda ótken Qazaqstan halqy Assambleıasynyń HHHI sessııasynan alǵan áserin áńgimelep, óńirdegi azamattyq birlikti mádenıet pen óner arqyly nyǵaıtý boıynsha júrgizý qajettigin atap kórsetti.
BQO QHA «Ednannıa» ýkraın etnomádenı birlestigi belsendi múshesi M.Brodıanoı búgingi kúnde álemde jańa syn-qaterlerdyń týyndaýyna yqpal etetin geosaıası ahýaldyń ýshyǵyp turǵan ýaqytynda, elimizdiń azamattyq biregeıligin nyǵaıtyp, otanshyldyq rýhty kóterýge basa mán berý kerektigin basa aıtty. Onyń «Beıbitshilik pen turaqtylyqsyz bolashaǵymyz bulyńǵyr, bizdiń Qazaqstannan basqa Otanymyz joq jáne bolmaıdy da», - degen sózi Sessııa qatysýshylarynyń qyzý qoldaýyna ıe boldy.
Sonymen qatar, jıyn barysynda oblystyq Qazaqstan halqy Assambleıasy tóraǵasynyń orynbasary, «Vaınah» sheshen-ıngýsh etnomádenı birlestiginiń tóraǵasy D.Saratov Qazaqstandaǵy etnosaralyq kelisim qaǵıdatynyń damýy, BQO QHA Kásipkerler qaýymdastyǵynyń tóraǵasy B.Sársenov Qazaqstan men Reseıdiń shekaralas aýmaqtaryndaǵy saýda-ekonomıkalyq qatynastarynyń perspektıvalary jóninde baıandady.
Sessııa jumysy odan ári jınalǵandardyń pikir almasýyna ulasyp, óńirdegi áleýmettik máseleler, jastar bastamalaryn damytý syndy usynystar talqylandy.
Sessııa jumysyn qorytyndylaǵan óńir basshysy Ǵalı Esqalıev oblystyq Qazaqstan halqy Assambleıasy qyzmetiniń oń dınamıkasyn atap ótip, óńirlik QHA qyzmetin qaıta formattaý, Assambleıa jumysyn memleket pen qoǵam arasynda syndarly dıalog qurýǵa, azamattardyń quqyqtary men múddelerin qorǵaýǵa baǵyttalǵan naqty istermen tolyqtyrý arqyly júrgizýdi usyndy.
