Maýsymnyń ár úshinshi jeksenbisi - medıına qyzmetkerleri kúni. Osyǵan oraı, Almaty oblysynyń ortalyǵy Qonaev qalasynda aq halattylarǵa qurmet kórsetildi. Saltanatty jıynǵa oblys basshysy Marat Eleýsizuly qatysyp, dárigerlerdiń eńbekterin erekshe elep ótti.
“Kez kelgen memlekettiń eń basty mindetteriniń biri el azamattarynyń densaýlyǵyn arttyrý. Sońǵy eki jylda, pandemııamen kúres kezinde tájirıbeli dárigerler barynsha jumysyn kórsetken qyzmetkerlerge zor rızashylyǵymdy bildiremin. Qańtar oqıǵasy kezinde jaraqat alǵan azamattarǵa jedel medıınalyq kómek kórsetken dárigerlerdiń eńbegi ólsheýsiz. Kóp adamdar jumys ornyn tastasa da, sizderge mundaı múmkindik bolmady. Sondyqtan da halyqtyń rızashylyǵy sizderge erekshe.
Antyna adaldyq tanytyp, kún saıyn erlikke teń is atqaryp júrgen sizderdiń árqaısysylaryńyz qurmetke laıyqsyzdar”-, dedi Marat Eleýsizuly óz sózinde.
Jıynda kúni-túni jarǵaq qulaǵy jastyqqa tımeı, derttiń emin taýyp, kúsh-jigerin salyp júrgen medıına qyzmetkerleri “Densaýlyq saqtaý isine qosqan úlesi úshin” tósbelgisimen, “eńbek ardageri” medalimen nagradtaldy. Sonymen qatar, “2022 jyldyń úzdik medıınalyq qyzmetkeri” baıqaýynyń jeńimpazdary “Úzdik dárigerlik ambýlatorııa”, “Úzdik áleýmettik qyzmetker” nomınaııasymen marapattalyp, jeńimpazdarǵa dıplom men aqshalaı syılyq tabystaldy. Úzdikter arasynda Almaty aımaqtyq balalar klınıkalyq aýrýhanasyna dárigeri Qarasaev ta bar. Ol bul baıqaýda “Staıonardyń úzdik dirigeri” nomınaııasyn jeńip, 7 mıllıon teńgege ıe boldy.
“Aýyldyq jerlerdi órkendetý, damytý maqsatynda “dıplommen aýylǵa” baǵdarlamasy uıymdastyrylyp, óz nátıjesin berýde. Men de ýnıversıtetti bitirip, Ótegen batyr aýyly, Almaty aımaqtyq balalar klınıkalyq aýrýhanasyna dáriger bolyp ornalastym. Aýyldyq jerlerde balalardyń densaýlyǵyna den qoıyp, barlyq kúsh-jigerimizdi salyp kelemiz. Ataýly kúnde eleńgen eńbek tek meniki ǵana emes, búkil ujymnyń jeńisi”- dep atap ótti Ramıl Qarasaev.
Aıta keterligi elimizde medıına qyzmetiniń sapasyn jaqsartýǵa myqtap kóńil bólinip jatyr. Maqsatynda medıına salasyna bólingen qarajat kólemi de ulǵaıyp keledi. Máselen bıyldyń ózine bul salaǵa 4,4 mıllıard teńgeden astam qarajat bólingen. Jyl saıyn ǵımarattar men tehnıkalyq baza jańartylyp keledi. Sonymen qatar sońǵy úsh jylda 354 dáriger jańadan jumysqa turǵan.
