Mektep baǵdarlamasyna jańa oqýlyqtar engiziledi

2731
Adyrna.kz Telegram

Baýyrlas elderdiń bilim berý salasyndaǵy yntymaqtastyqty arttyrýǵa baǵyttalǵan oqýlyqtar túrkitildes memleketterdiń basshylarynyń sammıtinde berilgen tapsyrma boıynsha ázirlendi.

Nur-Sultan qalasynda Halyqaralyq Túrki akademııasynyń Ǵylymı keńesi mektep baǵdarlamasyna "Ortaq túrki tarıhy", "Ortaq túrki ádebıeti", "Túrki áleminiń geografııasy" oqýlyqtaryn engizý týraly sheshim qabyldady, dep habarlaıdy inbusiness.kz.

Baýyrlas elderdiń bilim berý salasyndaǵy yntymaqtastyqty arttyrýǵa baǵyttalǵan oqýlyqtar túrkitildes memleketterdiń basshylarynyń sammıtinde berilgen tapsyrma boıynsha ázirlendi.

2021 jyly Ystanbulda ótken Ǵylymı keńestiń 4-otyrysynda Túrkııa bastamasy boıynsha sarapshylar kezdesý ótkizgen bolatyn. Nátıjesinde olar "Ortaq túrki tarıhy", "Ortaq túrki ádebıeti" jáne "Túrki áleminiń geografııasy" oqýlyqtarynyń mátinderin maquldady.

"Túrki áleminiń geografııasy" oqýlyǵynyń mazmuny jalpy túrki áleminiń geografııalyq beınesin qalyptastyrýǵa, túrkilerdiń geografııalyq túsinikteri men ıdeıalaryn zerdeleýge, sondaı-aq táýelsiz túrki elderiniń geografııasyn zertteýge baǵyttalǵan. "Ortaq túrki ádebıeti" oqýlyǵynda oqýshylarǵa ulttyq ádebıet tarıhy negizinde ortaq túrki ádebıeti men ortaq mádenı qundylyqtar týraly jazylǵan.

Ǵylymı keńeste qabyldanǵan qorytyndy hattamaǵa sáıkes taraptar ortaq oqýlyqtardyń baǵdarlamalary men mátinderin bekitedi, óz elderindegi orta bilim berý mekemelerinde "Ortaq túrki tarıhy", "Ortaq túrki ádebıeti" jáne "Túrki áleminiń geografııasy" pánderiniń engizilýin qamtamasyz etý jáne oqýshylar arasynda olardy tanymal etý úshin túrli is-sharalar uıymdastyrmaq.

“Adyrna” ulttyq portaly
Pikirler