Almatynyŋ Türksıb audanynda büktelgen küide sömkeden tabylǧan äieldıŋ mäiıtıne qatysty polisiia qylmystyq ıs qozǧady. Būl oqiǧa qoǧamda ülken dürbeleŋ tuǧyzǧan, dep habarlaidy "Adyrna" ūlttyq portaly.
Mäiıttı belbeumen buyp, skotchpen orap, sömkege salyp ketken. Aldyn ala mälımet boiynşa, sömke audannyŋ eŋ kriminogendı uchaskelerınıŋ bırıne apta boiy tūrǧan. Mäiıttı tazalyq qyzmetkerı kezdeisoq tauyp alǧan.
Polisiianyŋ mälımetınşe, būl jaǧdai QR Qylmystyq kodeksınıŋ "Kısı öltıru" babymen tergelude.
"Türksıb audandyq polisiia basqarmasy qylmystyq ıs qozǧady. Qazırgı uaqytta obektivtı män-jaidy anyqtauǧa baǧyttalǧan jedel-tergeu şaralary jürgızılude. Tergeu müddesıne säikes, özge aqparat jariialanbaidy," – dedı Almaty PD resmi ökılı Saltanat Äzırbek.
Oqiǧa bolǧan jerdıŋ tūrǧyndary marqūmnyŋ Gauhar esımdı äiel ekenın, soŋǧy uaqytta onyŋ bır er adammen jiı janjaldasyp jürgenın aitqan.
"Sömke aulada apta boiy tūrdy. Işınde adamnyŋ denesı bar ekenın kım bılgen?" – deidı tūrǧyndar.
Mäiıttıŋ tabylǧany turaly aqparat 5 jeltoqsan künı taralǧan bolatyn.
Būl jaǧdai tūrǧyndar arasynda qorqynyş pen alaŋdauşylyq tudyrdy. Qalanyŋ qauıpsızdıgıne bailanysty sūraqtar qaita köterıldı.
Polisiia küdıktını anyqtau jäne ūstau üşın barlyq qajettı şaralardy qabyldap jatqanyn mälımdedı. Tergeu jalǧasuda.
Ūqsas jaŋalyqtar
