Prezıdent Almaty qalasynda Ahmet Baıtursynulyna arnalǵan eskertkishti ashty, dep habarlaıdy “Adyrna” ulttyq portaly.
Eskertkishtiń avtorlary – músinshiler Aıdos Búrkitbaev pen Tımýr Ermuhametov.
Músin kompozıııasy qoladan, tuǵyry tutas kúrt granıtinen jasalǵan eskertkishtiń bıiktigi – 5 metr.
«Jurtyna paıdasy tıetin jumystyń bárine Ahań úles qosqan. Tipti, birqatar salany ózi bastap bergen. Ol qazaqtyń tól álipbıin jasady, alǵashqy álippemizdi qurastyrdy. Sondaı-aq oqýlyq jazyp, til biliminiń negizin qalady. «Qazaq» gazetin shyǵaryp, baspasózdiń damýyna jol ashty.
Arada qansha jyl ótse de, onyń rýhanı murasy jurtynyń ıgiligine jarap keledi. Sol sebepti jurtymyz ony «Ult ustazy» dep ardaqtaıdy. Ahmet Baıtursynuly – aǵartýshy-ǵalym retinde búkil órkenıetti álemge tanymal. Ol halqymyzdyń taǵdyry synǵa túsken kúrdeli kezeńde erekshe ultjandylyq tanytty. Elimiz bútin, jerimiz tutas bolýy úshin ólsheýsiz eńbek sińirdi. Qazaqqa qyzmet etý jolynda bar kúsh-jigerin jumsady. Ult kóshbasshysynyń ómir jolyn eldi súıýdiń jarqyn úlgisi deýge bolady. Onyń ǵıbratty ǵumyry – óskeleń urpaq úshin árdaıym ónege»,-dedi Toqaev eskertkishtiń ashylý saltanatynda.
