Qazaqstan prezidentı Qasym-Jomart Toqaev Başqūrtstan basşysy Radii Habirovpen kezdesu ötkızdı. Būl turaly Aqorda mälımdedı, dep habarlaidy “Adyrna” ūlttyq portaly.
Qasym-Jomart Toqaev pen Radii Habirov Qazaqstan men Başqūrtstannyŋ sauda-ekonomikalyq, önerkäsıp, investisiia jäne mädeni-gumanitarlyq salalardaǧy yntymaqtastyǧyn odan ärı nyǧaitu mäselelerın talqylady.
Kezdesu barysynda memleket basşysy Qazaqstan men Resei Federasiiasy arasyndaǧy strategiialyq serıktestıkte Başqūrtstan Respublikasynyŋ erekşe oryn alatynyn atap öttı. Prezident ekı el arasyndaǧy sauda-ekonomikalyq qatynastardyŋ qarqyndy damyp kele jatqanyna nazar audardy.
“Bız Qazaqstan men Başqūrtstan arasyndaǧy ıskerlık yntymaqtastyqqa qatysty naqty jobalar jasauǧa jäne damytuǧa müddelımız. Sondyqtan sızderdıŋ kompaniialaryŋyzdyŋ jetekşılerın Qazaqstanǧa şaqyramyn. Bız barlyq jaǧdaidy jasaimyz. Būǧan qyzyǧuşylyq tanytyp otyrmyz. Eger sızderdıŋ tarapyŋyzdan industriialyq äleuetı eskerılgen öte maŋyzdy bırlesken jobalar ūsynylsa, jūmysymyz jemıstı bolady dep oilaimyn”, –dedı prezident Toqaev.Memleket basşysynyŋ aituynşa, Başqūrtstan dästürlı türde Qazaqstan men Reseidıŋ aimaqaralyq yntymaqtastyǧyn nyǧaituǧa eleulı üles qosuda. Onyŋ pıkırınşe, türlı baǧyttar boiynşa özara yqpaldastyqty keŋeituge äleuet jetkılıktı jäne Qazaqstan ony tolyqqandy ıske asyruǧa niettı. Öz kezegınde Radii Habirov kezdesuge mümkındık bergenı üşın Qasym-Jomart Toqaevqa alǧys bıldırıp, Qazaqstanmen aradaǧy yntymaqtastyqty damytudyŋ strategiialyq maŋyzy bar ekenın atap öttı.
“ Başqūrtstan Qazaqstannyŋ biznesımen jūmysty odan ärı jalǧastyruǧa asa müddelı. Bız üşın būl öte maŋyzdy. Osy uaqyt aralyǧynda qol qusyryp otyrǧanymyz joq. Menıŋ Qazaqstanǧa saparym barysynda bırqatar kelısımder jasalyp, uaǧdalastyqtarǧa qol jetkızıldı jäne olardyŋ bärı jüzege asyryldy. Eŋ aldymen, özara qarym-qatynas infraqūrylymyn jolǧa qoidyq”, – dedı Radii Habirov.
”Adyrna” ūlttyq portaly
Ūqsas jaŋalyqtar
