AQSh-ta senatorlar qarýdy satý erejelerin qatańdatý boıynsha kelisimge keldi. Bul týraly qos partııa ókilderi málimdedi, dep habarlaıdy “Adyrna” ulttyq portaly.
Endi 21-ge tolmaǵan azamattarǵa qarý satpas buryn olardyń jeke málimetteri jiti tekseriledi. Osylaısha jalǵan qujat arqyly qarý satyp alý tártibi joıylady. AQSh bıliginiń mundaı shara qabyldaýyna qarý qoldanǵan qaıǵyly oqıǵalardyń jıilep ketýi sebep.
Tıisti zań jobasyn ótken aptada ókilder palatasy bekitti. Endi qujatty Senat talqylaýy tıis.
“Bul zań jobasyn ázirleý barysynda aýqymdy usynystar aıtyldy. Meniń oıymsha, zań elge kóp ózgeris ákeledi. Bul sońǵy onjyldyqta júrgizilgen jumystardyń nátıjesi. Sebebi bizdiń elde kez kelgen áleýmettik ózgerister úshin ýaqyt kerek. Zań shyǵarýshy júıemiz solaı qurylǵan”,- dedi Brady tobynyń saıasat jónindegi vıe-prezıdenti Krıstıan Heın.
”Adyrna” ulttyq portaly
