Almatyda «Táýelsiz baqylaýshylar» qoǵamdyq birlestiginiń 5 maýsymda ótetin respýblıkalyq referendýmǵa arnalǵan baspasóz jıyny ótti. Qoǵam belsendileri referendým qarsańynda táýelsiz baqylaýshylardy kóbeıtýge shaqyrdy, dep habarlaıdy "Adyrna" ulttyq portaly.
Baspasóz jıynyna birlestik músheleri Araılym Nazarova, Sáken Shardarov, Muhtar Ǵalymjanov, Batyr Adaıbaev, Álnur Ilıashev qatysty.
"Referendýmǵa barmaımyz deýshiler kóp ekenin de bilemiz. Halyqtyń referendýmǵa barǵanyn da, barmaǵanyn dáleldeý kerek, sol úshin baqylaýymyz qajet",- deıdi Araılym Nazarova.
Onyń sózinshe, baqylaýshylar áli de jetkiliksiz.
Belsendiniń sózinshe, bılik táýelsiz baqylaýshylarǵa túrli kedergi jasaıdy. Mysaly, parlament saılaýy kezinde "Almaty qalasy táýelsiz baqylaýshylar" uıymynan barǵan 135 baqylaýshynyń 23-i ǵana saılaý ýchaskelerin sońyna deıin baqylaı alǵan.
"Adyrna" ulttyq portaly
