Şymkentte ekı jyl boiy azamattardy «memlekettık baǧdarlamamen päter aluǧa kömektesemın» dep aldap kelgen tūrǧynǧa qatysty sot şeşımı şyqty. Būl turaly Şymkent qalalyq polisiia departamentınıŋ baspasöz qyzmetı jariialady, dep habarlaidy “Adyrna” ūlttyq portaly.
Alaiaqtyŋ arbauyna 21 tūrǧyn tüsıp, jalpy somasy 34 mln aqşa bergen.
«Alaiaqtyqty käsıp etken 27 jastaǧy äiel qala aumaǧynda soǧylyp jatqan köpqabatty tūrǧyn üilerden tanysy arqyly päter alyp bere alatynyn aityp, özın jarnamalaǧan. Osylaişa, tūrǧyndardyŋ senımıne kırıp, aqşalaryn öz paidasyna jaratyp otyrǧan» delıngen qalalyq PD habarlamasynda.Sondai-aq balalaryn qaratu üşın üiıne jūmysqa alǧan kelınşektıŋ bank kartasyn aldap sūrap alyp, ūialy telefonyna onyŋ qosymşasyn ornatyp qoiǧan. Al jäbırlenuşıler bergen aqşanyŋ bärı sol kartaǧa tüsıp otyrǧan. Kelınşektıŋ būl alaiaqtyq ärekettı bılgen sätte polisiiaǧa aryzdanǧan. Būdan özge, basqa jäbırlenuşılerden alǧan aqşany kezdeisoq adamdarǧa ötınış jasap, bankomattardan şeşıp jürgen.
«Kütken üiıne qol jetkıze almai, aldanǧanyn bılgen tūrǧyndar polisiiaǧa aryzdanǧan. Tärtıp saqşylarymen jürgızılgen jedel-ızdestıru jūmystary barysynda, kuälerden jauap alyp, sūrastyru jūmystary jürgızıldı. Sondai-aq banktık audarymdar tekserılıp, äieldıŋ alaiaqtyq ısı däleldendı. Sot şeşımımen qylmystyq ıs jasaǧany üşın äiel 4 jylǧa sottaldy» delıngen habarlamada.Öz kezegınde tärtıp saqşylary azamattarǧa alaiaqtyŋ arbauyna tüsıp qalmau üşın, beitanys tūlǧalarǧa artyq senım tanytpai, kümändı qyzmet ūsynysyna ermeuıne şaqyrady. Üi mäselesı jönınde arnaiy memlekettık mekemege jügınuge keŋes beredı.
”Adyrna” ūlttyq portaly
Ūqsas jaŋalyqtar
