Memleket basshysy Qasym-Jomart Toqaev birqatar eldegi elshini taǵaıyndady. Bul týraly Aqorda jarııalady, dep habarlaıdy “Adyrna” ulttyq portaly.
Prezıdent jarlyqtarymen:
Tımýr Vladımıruly Pirimbetov Qazaqstan Respýblıkasynyń Qasıetti Taq janyndaǵy tótenshe jáne ókiletti elshisi, Qazaqstan Respýblıkasynyń Ierýsalım, Rodos jáne Malta Qasıetti Ioannynyń Egemendi Áskerı Gospıtalerler Ordeniniń janyndaǵy tótenshe jáne ókiletti elshisi qyzmetin qosa atqarýshy bolyp taǵaıyndaldy, ol Qazaqstan Respýblıkasynyń Meksıka Qurama Shtattaryndaǵy tótenshe jáne ókiletti elshisi laýazymynan bosatyldy;
Almurat Asylmuratuly Turǵanbekov Qazaqstan Respýblıkasynyń Meksıka Qurama Shtattaryndaǵy tótenshe jáne ókiletti elshisi laýazymyna taǵaıyndaldy;
Janna Nııazbekqyzy Saǵynova Qazaqstan Respýblıkasynyń Slovak Respýblıkasyndaǵy tótenshe jáne ókiletti elshisi laýazymyna taǵaıyndaldy;
Ánýarbek Serikuly Ahmetov Qazaqstan Respýblıkasynyń Aljır Halyq Demokratııalyq Respýblıkasyndaǵy tótenshe jáne ókiletti elshisi laýazymyna taǵaıyndaldy.
