Referendum: Aqtöbenıŋ jastary belsendılık tanytyp jatyr

Bügın Aqtöbe oblysynda 517 referendum uchaskesı jūmys ıstep jatyr. Būl uchaskelerde tūrǧyndardyŋ nauqanǧa qatysuy üşın jaǧdai jasalǧan. Tıptı mümkındıgı şekteulı jandar üşın invataksiler men surdo audarmaşylardyŋ jūmys jasauy qarastyrylǧan. Dauys beru nauqanynda jastardyŋ belsendılıgı baiqalady. Äsırese, taŋdau jasauǧa kelgen studentterdıŋ qarasy köp. Sondai-aq el bolaşaǧy üşın maŋyzdy şaradan qalmauǧa tyrysqan qariialarymyz da bar. Zeinetker Qasymbek Äbdırahmanov Aqtöbe qalasyndaǧy #67 dauys beru uchaskesıne taŋǧy saǧat 08.15-te keldı. Ol memlekettıŋ reformalaryn qoldaitynyn, oŋ özgerısterdıŋ jaqsylyqqa bastaitynyn aitady.

- Otbasymyzben kelıp, dauys berıp jatyrmyz. Prezidenttıŋ bastamalary dūrys dep esepteimın. El igılıgıne qyzmet etıp jürgen azamattarymyz, jastarymyz aman bolsyn! Qazaqstanymyz dami bersın! - deidı ol.

Aqtöbe qalasyndaǧy #538 referendum uchaskesıne kelıp dauys bergen Aiaulym Saǧidollaqyzy bügın, 5 mausymda, 18 jasqa tolyp otyr. Tuǧan künınde alǧaş bolyp referendumǧa qatysyp, dauys bergen Aiaulym elde bolyp jatqan özgerısterdı qoldaitynyn jetkızdı.

— Medisinalyq kolledjde oqimyn. Elımızde bolyp jatqan reformalardy qoldaimyn. Qasym-Jomart Kemelūlynyŋ bastamasymen memleketımızde oŋ özgerıster, jaqsy jaŋalyqtar bolyp jatyr. Bügın 18 jasqa tolyp, alǧaş ret referendumǧa qatysu men üşın kütpegen jaǧdai boldy, — deidı ol.

Aita ketu kerek, dauys beru uchaskelerı keşkı 20.00-ge deiın jūmys ısteidı. Jalpy aqtöbelıkterdıŋ belsendılıgı de, köŋıl küiı de jaqsy. Qoryta aitsaq, Aqtöbe oblysy būl referendumnan jaŋa, jaǧymdy özgerıster kütedı.

Danagül Baimūqaş, "Adyrna" ūlttyq portaly.