3 mausym künı Prezident Qasym-Jomart Toqaev 5 mausymda ötetın referendumǧa qatysty Qazaqstan halqyna ündeu joldaǧan bolatyn. Ündeuge bailanysty “Adyrna” tılşısı qoǧam qairatkerı, ekonomist Janūzaq Äkımnıŋ pıkırın bıldı.
Aituynşa, 30 jylda senbegen bilıkke halyq 30 künde sene qoimaidy. Alaida būl referendum qoǧamnyŋ damuyna bır qadam alǧa jylju bolyp tabylady.
“Azamattardyŋ jartysy qoldap, jartysy qoldamauy mümkın. “Ondai jaǧdaida ne bolady?” degen sūraq tuyndaidy. Sodan qoǧamda tüsınıspestık, senbeuşılık, ne dauys bergennıŋ özınde ony özgertıp jıberedı degen küdık bolady. Senım bolu üşın ärbır uchaskınıŋ tūrǧyndary özderı top qūryp, tergep, dauysty sanauǧa qatysu kerek. Oǧan qūqyqtary bar. Belsendı retınde arnaiy rūqsat qaǧaz berıp jatqan Almatyda qoǧamdyq ūiymdar da bar. Olar dauystardy sanap, tekserıp, tügel aiaǧyna deiın jetkızu kerek”,- dedı ol.Sonymen qatar, qoǧam qairatkerı qazaqstandyqtardy referendumda belsendılık tanytuǧa şaqyrdy.
“Prezidenttıŋ ündeuın kördık. Ol dūrys. Üide otyrmau kerek. Belsendılık tanytu kerek. Būl eldıŋ taǧdyryn şetten bıreu kelıp nemese tek qana bilık şeşe almaidy. Bilık 30 jyl boiy şeşem dep, şeşe almai, avtoritarlyq bilık bolyp kettı. Halyq öz müddesın özı şeşemın dese, öz müddesın, memlekettıŋ müddesın, eldıŋ, jerdıŋ, tıldıŋ müddesın şeşem dese, qalai bolǧanda da belsendılık tanytu kerek. Baryp, dauys beru kerek. Ol dauysty qoldaisyŋ ba, qoldamaisyŋ ba ärbır azamattyŋ özı bıledı. Bıraq, dauys beru boryşymyz! Eger senımsızdık bolmasyn desek, bız är uchaskını tekseruımız kerek. Būl referendum soŋǧy emes, alǧaşqy da emes. Är mäselenı osyndai tüpkılıktı referendum arqyly şeşıp otyruymyz kerek. Iаǧni halyqpen sanassa, halyqpen bilıktıŋ arasynda senım paida bolady. Bız özımızdıŋ zaŋdy qūqymyzdy tügeldei paidalanuymyz kerek. Küresu kerek. Qaŋtardaǧydai ǧimarattardy örtep, dükendar tonau arqyly küresıp emes, örkeniet jolymen küresuımız kerek”,- dep oiyn qorytyndylady Janūzaq Äkım.
”Adyrna” ūlttyq portaly
Ūqsas jaŋalyqtar
