Ishki ister mınıstriniń buıryǵymen Ulttyq ulan bas qolbasshysynyń tárbıe jáne áleýmettik-quqyqtyq jumys jónindegi orynbasary qyzmetine polkovnık Qaırat Úmbetov taǵaıyndaldy, dep habarlaıdy «Adyrna» tilshisi Polisia.kz-ke silteme jasap.
Kandıdatýrany mınıstr jáne onyń orynbasarlary bir aýyzdan maquldady.
“Ózderińiz kórip otyrsyzdar, ol búkil satyny ótti. Bizdiń ulandarǵa durys tárbıeni “Halyq qaharmany” bermese, basqa kim beredi? Qaırat Jarylqasynuly, ulandyqtardyń moraldyq-psıhologııalyq jaǵdaıyn shyńdap, sarbazdarmen tárbıe jumystaryn júrgizý qajet. Sizdiń erligińiz olarǵa úlgi bolady dep oılaımyn. Bul taǵaıyndaýmen biz Ulttyq ulandy nyǵaıtamyz dep úmittenemin”, – dedi vedomstvo basshysy.
Eske sala keteıik, 2016 jyly Qaraǵandy quramasynyń oqý ortalyǵynda jattyǵýdy oryndaý kezinde jarylǵan jaýyngerlik granatadan polkovnık sarbazdy óz denesimen jaýyp, qutqaryp qalǵan bolatyn.
«Adyrna» ulttyq portaly
