ىشكى ىستەر ءمينيسترىنىڭ بۇيرىعىمەن ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىقتىق جۇمىس جونىندەگى ورىنباسارى قىزمەتىنە پولكوۆنيك قايرات ۇمبەتوۆ تاعايىندالدى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
كانديداتۋرانى مينيستر جانە ونىڭ ورىنباسارلارى ءبىر اۋىزدان ماقۇلدادى.
“وزدەرىڭىز كورىپ وتىرسىزدار، ول بۇكىل ساتىنى ءوتتى. ءبىزدىڭ ۇلاندارعا دۇرىس تاربيەنى “حالىق قاھارمانى” بەرمەسە، باسقا كىم بەرەدى؟ قايرات جارىلقاسىنۇلى، ۇلاندىقتاردىڭ مورالدىق-پسيحولوگيالىق جاعدايىن شىڭداپ، ساربازدارمەن تاربيە جۇمىستارىن جۇرگىزۋ قاجەت. ءسىزدىڭ ەرلىگىڭىز ولارعا ۇلگى بولادى دەپ ويلايمىن. بۇل تاعايىنداۋمەن ءبىز ۇلتتىق ۇلاندى نىعايتامىز دەپ ۇمىتتەنەمىن”، – دەدى ۆەدومستۆو باسشىسى.
ەسكە سالا كەتەيىك، 2016 جىلى قاراعاندى قۇراماسىنىڭ وقۋ ورتالىعىندا جاتتىعۋدى ورىنداۋ كەزىندە جارىلعان جاۋىنگەرلىك گراناتادان پولكوۆنيك ساربازدى ءوز دەنەسىمەن جاۋىپ، قۇتقارىپ قالعان بولاتىن.
«ادىرنا» ۇلتتىق پورتالى
