17 jastaǵy qazaqstandyq oqýshy álemniń 11 ýnıversıtetinen grant jeńip aldy

494

17 jastaǵy Alan Jaınar álemdik joǵary oqý oryndarynda 640 myń dollarǵa grant jeńip aldy, - dep habarlaıdy “Adyrna” ulttyq portaly Tengrinews.kz saıtyna silteme jasap. 

Alan Almatyda týyp ósken. Osy jyly Respýblıkalyq fızıka-matematıka mektebinde oqýyn aıaqtaıdy. Onyń súıikti pánderi - fızıka, matematıka jáne ınformatıka. Keıingi jyldary ol birneshe ret halyqaralyq konkýrstar men olımpıadalarǵa qatysqan.

Osyndaı jarystardyń biri - World Invention Competition And Exhibition (VICE) dúnıejúzilik ónertabystar baıqaýy.

"11-synypta komandamen birge ekinshi oryn aldyq. Taqyryby - kompıýterlik ǵylym. Biz muqtaj adamdarǵa kómektesýge daıyn adamdar úshin baılanys qosymshasyn jasadyq. Halyqaralyq baıqaý Indonezııada ótti, oǵan 30-dan asa el qatysty", - dedi ol.

Jaınar IAACompetition astronomııa jáne astrofızıka boıynsha halyqaralyq olımpıadada birinshi orynǵa ıe boldy.

Búgingi tańda 17 jastaǵy qazaqstandyq oqýshy álemniń 11 ýnıversıtetine oqýǵa túsip, 640 myń dollar kóleminde grant aldy. Onyń aıtýynsha, myna álemdik joǵary oqý oryndaryna shaqyrtý aldy:

  • University of British Columbia (Vankýver, Kanada);
  • KAIST (Ońtústik Koreıa);
  • City University of Hong Kong (Gonkong);
  • Hong Kong Baptist University (Gonkong);
  • University of South Florida (Tampa, AQSh);
  • University of Alabama (AQSh);
  • Hong Kong University (Gonkong);
  • Saint Louis University in Madrid (Ispanııa);
  • The Hong Kong Polytechnic University (Gonkong);
  • Hong Kong University of Science and Technology (Gonkong);
  • Miami University (Ogaıo, AQSh).

"Men Ońtústik Koreıadaǵy KAIST ýnıversıtetin tańdadym. Onda oqý tegin, grant jáne stıpendııa beriledi. Ýnıversıtet óte jaqsy, ol álemde 41-orynda. Maǵan eldiń ózi unaıdy, ol jaq qaýipsiz. Tańdaǵan mamandyǵym boıynsha - kompıýterlik ǵylym - KAIST 35-orynda", - dep túsindirdi ol.

Alan keıin Qazaqstanǵa oralýdy josparlap otyr.

"Men óz elime kómekteskim keledi. Tehnologııanyń kóbirek damyǵanyn qalaımyn. Maǵan Ońtústik Koreıa unaıdy, bul elde tabıǵı resýrstar kóp emes, biraq tehnologııalar óte jaqsy damyǵan, tájirıbe alǵym keledi. Ómirdiń máni - óz izińdi qaldyrý, bul aqsha emes", - dedi ol.

“Adyrna” ulttyq portaly

Pikirler
Redakııa tańdaýy