Instagram jelisinde chıptelgen tólqujattyń vıdeosy taraǵan edi. Soǵan baılanysty kóshi-qon qyzmeti túsinik berdi, dep habarlaıdy "Adyrna" ulttyq portaly.
"Elektron tólqujat álemniń kóp elinde engizilgen. Qazaqstanda mıkroshemasy bar tólqujattar, sondaı-aq jeke kýálikter 2009 jyldan bastap shyǵarylady. Chıp adam týraly jeke derekterdi saqtaýǵa arnalady jáne jeke tulǵany sáıkestendirýge múmkindik beredi", - dedi mınıstrliktiń baspasóz qyzmetindegiler.
Ishki ister mınıstrligi chıpi bar tólqujat elektrodty júıeler arqyly basqa elderdegi shekara ótkizý pýnktterinen jáne pasporttyq-vızalyq baqylaýdan jeńil ótý úshin engizilgenin aıtty.
"Tólqujattardaǵy chıpter shekaradan ótken kezde tek arnaıy oqý qurylǵylarymen ózara árekettesedi", - dep tolyqtyrdy departament ókilderi.
Eske salaıyq, Qaznet qoldanýshylary chıptelgen tólqujatty talqylaǵan bolatyn. Vıdeo keıipkerleri tólqujatty ashyp, ishinen chıpke uqsas qurylǵyny tabady. Avtorlar bul mıkroshema shetelde júrgen qazaqstandyqtardy baqylaýǵa arnalǵanyn aıtady.
"Adyrna" ulttyq portaly
