Qonaev soty "ekstremizmdı qarjylandyrdy" jäne "tyiym salynǧan ūiymnyŋ jūmysyna aralasty" dep aiyptalǧan jurnalist Duman Mūhammedkärımdı kınälı dep tanyp, jetı jyl türmege kestı. Būl jönınde advokat Ǧalym Nūrpeiısov mälımdedı, dep habarlaidy “Adyrna” ūlttyq portaly Azattyq saityna sıltep.
Odan bölek, sot jurnaliske üş jyl qoǧamdyq-saiasi jūmyspen ainalysuǧa tyiym saldy.
"Ükımdı mındettı türde apelliasiiaǧa beremız. Qazır Dumandy Taldyqorǧanǧa äketeın dep jatyr", dedı advokat Azattyqqa.
Aqparatqa säikes, sot ükımı onlain oqyldy, oǧan aqaparat qūraldary men jaqtastary qatysa almady. Taraptardyŋ özderı Zoom-men qatysqan.
Aita ketsek, būǧan deiın prokuror jurnalistı jetı jylǧa bostandyǧynan aiyryp, üş jyl qoǧamdyq-saiasi jūmyspen ainalysuǧa tyiym saludy sūraǧan edı.
Duman Mūhammedkärım saiasi ortada Qaŋtar oqiǧasynan keiın keŋınen tanyla tüstı. Ol – kemı 238 adamnyŋ ömırın qiǧan qyrǧyn kezınde Almatydaǧy dürbeleŋ oşaǧynan habar taratqan bolatyn.
Ūqsas jaŋalyqtar
