Astanada bır top er adam aqşa dauyna bailanysty adam ūrlaǧany üşın sottaldy. Būl turaly Astana prokuraturasy mälımdedı, dep habarlaidy "Adyrna".
Mälımetke säikes, qylmys 2024 jyldyŋ jeltoqsan aiynda bolǧan.
Sot anyqtaǧandai, top müşelerınıŋ bırı jäbırlenuşıden oryndalmaǧan qyzmet üşın aqşa talap etken. Janjal barysynda ol küş qoldanyp, jäbırlenuşını 80 myŋ teŋgenı öz şotyna audaruǧa mäjbürlegen.
Keiın qasköiler aldyn ala söz bailasu arqyly jäbırlenuşını Astana qalasynyŋ aumaǧynda küştep alyp ketken. Tergeu derekterıne säikes, qylmys küş qoldanu arqyly jäne paidakünemdık maqsatta jasalǧan.
Qylmystyq ıs Astananyŋ audanaralyq qylmystyq ıster jönındegı sotynda qaraldy. Memlekettık aiyptaudy «Saryarqa» audanynyŋ prokuraturasy qoldady.
Sot talqylauy barysynda sottaluşylardyŋ kınäsı tolyq däleldendı.
Sot ükımımen bes aiyptaluşy adam ūrlaǧany üşın 8 jylǧa bas bostandyǧynan aiyryldy. Al taǧy bır aiyptaluşy adam ūrlauǧa järdemdeskenı jäne öz betınşe bilık jürgızgenı üşın 7 jyl 6 ai merzımge sottaldy.
Qadaǧalau organy Qazaqstanda adam ūrlaǧany üşın 15 jylǧa deiın bas bostandyǧynan aiyru jazasy közdelgenın, al öz betınşe bilık jürgızgenı üşın 7 jylǧa deiın jaza qarastyrylǧanyn eske saldy.
