Qyzylordalyqtardyń gazǵa qaryzy 1 mıllıard teńgeden asyp ketken, dep habarlaıdy "Adyrna" ulttyq portaly "Habar 24"-ke silteme jasap.
Belgili bolǵandaı, qordalanyp qalǵan qaryzy bar abonenttiń sany — 55 myń. Jylý maýsymy aıaqtalǵannan keıin zań boıynsha tutynýshylardy gazdan ajyratýǵa ruqsat. Sondyqtan «QazTransGaz Aımaq» AQ Qyzylorda óndiristik fılıaly úılerdi kógildir otynnan ajyratýdy bastap ketken.
Máselen, Qyzylorda qalasy, Qarabalaev kóshesindegi jeke turǵyn úıdiń biriniń ıesi eki jyldan beri aqy tólemegen. Qordalanǵan qaryzy 142 myń teńgeden asyp ketipti. Jalpy bir ǵana Tıtov yqsham aýdanynda 9300 abonent bolsa, sonyń 8 jarym myńdaıy ýaqytynda tólem jasamaı otyr.
– Qarsylyq bildiredi abonentter, óshirtkizbeıdi. Kontrollerdi de tyńdamaıtyn abonentter bar. Eń joǵarǵy qaryz 300-350 myńnan bastalady, eń tómengi qaryz 25 myń, 10 myń teńgege deıin qaryzdar bar, — deıdi "QazTransGaz Aımaq" AQ Qyzylorda óndiristik fılıalynyń bólim basshysy Q.Turǵanbaeva.
"QazTransGaz Aımaq" AQ QÓF apatty-dıspetcherlik qyzmetiniń basshysy Bazarbek Erimbetovtiń aıtýynsha, búginde Qyzylorda qalasy men Qyzylorda oblysy boıynsha tutynýshylardyń gazǵa bereshegi 1 mlrd teńgeden asyp ketken.
"Adyrna" ulttyq portaly.
