Qazaqstannyń burynǵy prezıdenti Nursultan Nazarbaev 2022 jylǵy Qańtar oqıǵasy Kıevtegi shtab-páterden basqarylǵanyn málimdedi. Bul týraly ol «Meniń ómirim. Bodandyqtan – bostandyqqa» atty kitabynda aıtty, dep habarlaıdy «Adyrna» tilshisi.
«Radıkaldy oppozıııanyń shynaıy bet-beınesi 2022 jylǵy qańtardaǵy qaıǵyly oqıǵa kezinde ashyldy. Narazylyq akııasynyń basynan-aq Muhtar Áblıazov kópshilikti áreketke shaqyryp, uran tastady. Onyń úndeýinde ýkraınalyq operatorlardyń kody kórsetilgen. Keıinnen Áblıazovtyń aldyn-ala qurylǵan shtaby Kıevte ornalasqany anyqtaldy. Ol óziniń qantógiske qatysy baryn ashyq aıtty»,—dep jazdy tuńǵysh prezıdent.
Eks-basshy sol kezde Qazaqstan óz tarıhyndaǵy eń aýyr kezeńniń birin bastan ótkergenin atap ótti.
«Sol bir syndy kúnderde Memleket basshysy Qasym-Jomart Toqaev eldegi jaǵdaıdy turaqtandyrý úshin Ujymdyq qaýipsizdik týraly shart uıymyna múshe elderden kómek surady. Osylaısha Qazaqstan eń aýyr synaqtardyń birinen súrinbeı ótti»,—dedi ol.
Eske salaıyq, búgin, Tuńǵysh prezıdent kúni Nursultan Nazarbaevtyń kitaby jaryqqa shyqty. Ol týyndysynda óziniń ómir jolymen qatar, elimizdiń qalyptasýy jáne damý kezeńderi týraly estelikterimen bólisti.
