Astanada eks-mınıstr Qýandyq Bıshimbaevty ata-ana quqyǵynan aıyrý isi boıynsha apellıaııalyq is qaraldy, dep habarlaıdy “Adyrna” ulttyq portaly.
Bul talapty Bıshimbaevtyń burynǵy jubaıy Nazym Qaharman qoıǵan.
Aqparatqa sáıkes, Qýandyq Bıshimbaev sotqa onlaın qatysty. Onyń aıtýynsha, birinshi sottan keıin de, is barysynda da alıment ýaqtyly tólenip otyrǵan. Qazirgi ýaqytta Nazym Qaharman aıtqan máseleler shyndyqqa saı kelmeıdi. Bul — áleýmettik jelide jarnamalaý jáne sotqa qysym kórsetý áreketi. "Meni balalarǵa alıment tólemeıtin adam retinde kórsetýde,"- deıdi ol.
«Balalarymnyń oqý aqysyn ata-anam tólep otyr, olar muny meniń ótinishimmen alıment kelisimi aıasynda oryndaıdy. Qajet bolsa, barlyq qujattardy usynýǵa daıynmyn. Senimhatqa qatysty aıtar bolsam, men qamaýǵa alynǵannan keıin Qaharmannyń advokaty nemese ózi maǵan senimhat qajet ekenin aıtpady, sondaı-aq tekti ózgertý qujattaryn eshqandaı zańdy jolmen tapsyrǵan joq. Birinshi proesten keıin alımentke ótinish bergende, men qajetti qujattarǵa qol qoıyp berdim.
Eger bul balalardyń múddesi úshin bolsa jáne olardyń áleýmettik ómirde ózin erkin sezinýine kómektesetin bolsa, men qarsy emespin. Shetelge shyǵýǵa baılanysty senimhatqa qatysty másele burmalanǵan. Maǵan jiberilgen senimhatta barlyq ata-analyq quqyǵymdy Qaharmanǵa tapsyrý kerek dep kórsetilgen, al shetelge shyǵýǵa ruqsat berý ǵana jazylmaǵan», — dedi Qýandyq Bıshimbaev.
Sot sheshiminde balalardyń pikiri men ustanymy kórinis tappaǵan. Sot qaıtys bolǵan Saltanat Núkenovanyń talapker balalar úshin otbasy múshesi bolǵanyn eskermedi. Balalar otbasyndaǵy jaqyn adamdy tek pasporttaǵy shtampqa qarap baǵalamaıdy. Sot bolashaq áleýmettik saldary turǵysynan óte qaýipti ári tek beıresmı ustanym. Eger Saltanat Núkenova qatigezdikpen óltirilgende, olardyń neke kýáligi bolsa, Kýandyq Bıshimbaev ata-ana quqyǵynan sózsiz aıyrylatyn edi, al ondaı qujat bolmaǵandyqtan eshteńe bolmaǵandaı kórinedi.
Sheshim ózgerissiz qaldy. Bıshimbaev áli de óz balalarynyń ákesi bolyp qala beredi.
«Bizde birinshi ınstanııa sotynyń sheshimi zań buzýshylyqtarmen qabyldanǵanyn dáleldeıtin ótinishimiz bar. Birinshiden, qurmetti sot, Qazaqstannyń búkil halqy jáne sheteldegi adamdar Bıshimbaev isi men Saltanat Núkenovanyń qaıǵyly qazasynyń barlyq egjeı-tegjeıin biledi. Biz osy máseleniń moraldyq jaǵyna nazar aýdartqymyz keledi: osyndaı adamgershilikke jatpaıtyn qylmys jasaǵan adam ózin áke dep atap, balalarǵa áser etip, ata-ana quqyqtarynan dámete ala ma? Bizdiń oıymyzsha, jaýap aıqyn. Mundaı adam áke jáne ata-ana mártebesine ıe bola almaıdy», — dedi Nazym Qaharman.
Birneshe kún buryn medıa keńistikte eks-mınıstrdiń «joǵalyp ketýi» týraly shý bolǵan edi, biraq ol tez arada «tabyldy». Quqyq qorǵaýshy Baýyrjan Mýsınniń aıtýynsha, Bıshimbaev Stepnogorsk qalasyndaǵy №5 mekemesinde jazasyn ótep jatyr.
