20 shildeden bastap elordada salaýatty ómir saltyna nasıhattaıtyn kezekti joba bastaldy, dep habarlady “Adyrna” ulttyq portaly.
Senbi kúni St.Regis qonaq úıiniń mańyndaǵy saıabaqta Street Workout saıysy boıynsha Qazaqstannyń birneshe dúrkin chempıony Imran Ibragımov sheberlik dárisin ótkizdi. Sondaı-aq jeksenbi kúni sol jaǵalaýdaǵy «Kerýen» saýda úıiniń janynda Sky dance stýdııasy samba, djaıv, pasadobl, rýmba, cha-cha-cha bı túrlerinen turǵyndardy bazalyq jattyǵýymen tanystyrdy.
Is-shara uıymdastyrýshysy Jámıla Baıdosovanyń aıtýynsha, 2 kúnge jalǵasqan sharaǵa myńǵa jýyq qala turǵyny qatysqan.
«Astana saıabaqtaryndaǵy sporttyq sharalar marafonynyń basty ıdeıasy – sport pen densaýlyqty jaqsartý men nasıhattaýdy qamtıdy. «Astana qozǵalysta» – bul belsendi ómir saltyn yntalandyrýǵa jáne sport mádenıetin damytýǵa baǵyttalǵan bastama. Sharalar qoǵamnyń túrli múddeleri men adamdardyń jas erekshelikterine baılanysty tańdaldy. Sondyqtan elimizdiń árbir turǵyny ózine sáıkes keletin sport túrin tańdaı alady, mysaly, ıttermen birge júgirý, bıden sheberlik sabaqtary, strıtbol týrnıri, velojarys»,– dedi Jámıla Baıdosova.
Imran Ibragımov mundaı sporttyq is-sharanyń jastar úshin mańyzy zor ekenin aıtty.
«Shyn máninde bul óte qyzyqty is-shara. Sol sebepti osynda kelgen azamattarǵa alǵysym sheksiz. Sebebi bizdiń qalamyz ben elimizdiń taza bolýyna baılanysty uıymdastyrylyp jatqan «Taza Qazaqstan» akııasynyń mańyzy erekshe. Osy ıgi is-sharanyń basy-qasynda bolǵan barsha azamattarǵa alǵysymdy aıtamyn. Akııaǵa qatysqan ár azamat elimizdiń ǵana taza bolýyna emes, óziniń densaýlyǵynyń jaqsy bolýyna atsalysty dep esepteýge bolady», – dedi ol.
