Túrkistan oblysynda selden kemi 400 mal qyryldy

2439
Adyrna.kz Telegram
foto: azattyq.org
foto: azattyq.org

25 sáýirge qaraǵan túni Túrkistan oblysy Qazyǵurt jáne Saryaǵash aýdanynda bolǵan selden kemi tórt júz mal qyrylyp, 18 úıge sý kirdi. Bul týraly "Adyrna" saıty Azattyq radıosyna siltep habarlaıdy. 

Otbasymen mal baǵyp kún kóretin Saraphana aýylynyń turǵyny Ǵazıza Batyrhanova nóser jańbyrdan keıin shamamen 20 mınýtta sel júrip, sý adam boıyna jetkenin aıtady. Ol qorasyndaǵy iri qara men tórt júz qoıdyń jartysyna jýyǵyn shyǵaryp úlgergenimen, qalǵany laı sýǵa tunshyǵyp, qorasynda ólgen.

- Bul - 25 otbasynyń qoıy edi. Biz jaıatyn edik. Túngi saǵat toǵyzdar shamasy sý keldi. Úıden shyqqanymyz sol-aq edi, sý keýdemizge deıin kóterildi. Úlgere almadyq. Iri qala mal men jylqyny shyǵardyq. Qoıdyń qorasy sýǵa toldy. Qorany buzyp 187 bas qoıdy aman alyp qaldyq. Qalǵany tunshyǵyp óldi, - deıdi ol.

Turǵyndardyń aıtýynsha, tótenshe jaǵdaı týraly aldyn-ala eskertý bolmaǵan. Sýmen birge aǵyp kelgen laı aýla men qoralardy basyp qalǵan. Tańǵa deıin óz kúshterimen tazalaýǵa tyrysqan.

- Tańerteń ákimdikke kómek surap bardyq. Tehnıka bereıik, ózderiń janarmaıyn quıyp tazalatyńdar dedi. Endi sol kómek kútip otyrmyz, - deıdi Jińishke aýylynyń turǵyny Meńdibaı Jubatov

Aýdanda tótenshe jaǵdaıǵa baılanysty arnaıy komıssııa qurylyp, shyǵyn kólemi anyqtalyp jatyr. Aýdan ákimdigi dúısenbi túske deıin selden sýǵa aǵyp ne tunshyǵyp ólgen 312 mal tirkelgenin, naqty sany áli eseptelip jatqanyn habarlady. Túrkistan oblysy ákimdiginiń málimetinshe, selden 53 úıdiń aýlasyna sý kirgen.

"18 úıge, bir meıramhana men 16 ǵımaratqa sý kirgen. Adam shyǵyny joq. Qaýip-qater seıilgen. Evakýaııalanǵan turǵyndar úıine qaıtty" deıdi ákimdik.

"Adyrna" ulttyq portaly

Pikirler