Bügın, 1 şıldede Qyrǧyzstanda qaza tapqan qazaqstandyq balalardyŋ denelerı arnaiy bortpen elge jetkızıldı. Būl turaly ŞQO äkımdıgınıŋ baspasöz qyzmetı aitty, dep habarlaidy «Adyrna» tılşısı.
Būǧan deiın Oş oblysynyŋ Nookat audanynda selden qaza bolǧan auyl tūrǧyndary men turister arasynda Şyǧys Qazaqstannyŋ 4 balasy bar ekenın jazǧan edık.
Qaiǧyly oqiǧa bolǧan künı ekı ūl men ekı qyz analarymen tuystaryna qonaqqa barǧan. Turistık aimaqta jürgen sel olardyŋ ömırın qiyp kettı.
«Öŋır basşysy Ermek Köşerbaev qaza tapqandardyŋ tuystarymen kezdestı. Osy qiyn künderde jergılıktı atqaruşy organdar men «Halifa Altai» meşıtınıŋ qyzmetkerlerı jerleu räsımın ūiymdastyp, ötkızudı öz moiyndaryna aldy. Öŋırdıŋ käsıporyndary men biznes ökılderı otbasylarǧa kömek körsetuge daiyn ekendıkterın bıldırdı»,—dep jazdy äkımdıktıŋ baspasöz qyzmetı.
Eske salaiyq, 28 mausymda Qyrǧyzstanda qatty jauǧan jaŋbyrdyŋ saldarynan Oş oblysynyŋ Nookat audanynda joiqyn sel jürgen edı. Kabar agenttıgınıŋ mälımetınşe, tötenşe jaǧdai saldarynan mert bolǧandar sany 9 adamǧa jettı.
