Qazaq tili jáne ádebıeti pániniń muǵalimi Olga Tım qazaq balalarynyń búgingi jaı-kúıi men bolashaǵyna alańdaıtynyn aıtty, dep habarlaıdy “Adyrna” ulttyq portaly Almaty telearnasyna silteme jasap.
Onyń aıtýynsha, qazaq tili áýeli qazaqtarǵa kerek. Kóp qazaq osyny túsinbeı júr.
«Qazirgi tańda elimizde qazaq tilin mengerý óte qıyn bolyp tur. Sebebi qazaqtar ózi ana tilin bilmeıdi. Kóp qazaq osyny túsinbeı júr. Biz mektepte balalarǵa qazaq tilin úıretsek te, olar úıinde ata-anasymen orys tilinde sóılesedi.
Sondyqtan oqýshylardyń qazaq tilin jetik meńgerip ketýi óte qıyn. Men balalardyń bolashaǵyna alańdaımyn. Olar ósip, ata-ana bolǵanda balalaryna ana tilin qalaı úıretedi?» – deıdi ustaz belgili bloger Aısultan Jaqypqa bergen suhbatynda.
Ustazdyń aıtýynsha, memlekettik tildi meńgerý ár azamattyń boryshy.
Aıta keteıik, Olga Tım qazaq balalarynyń ortasynda ósken. Memlekettik tildi jetik biledi. Qazirgi tańda Q. I. Sátbaev atyndaǵy mektep-gımnazııasy dırektorynyń tárbıe isi jónindegi orynbasary bolyp qyzmet etedi.
