Ukraina men Resei arasynda tūtqyn almasu turaly kelısım jasaldy. Būl turaly Ukraina ūlttyq qauıpsızdık jäne qorǧanys keŋesınıŋ hatşysy Rustem Umerov mälımdedı, dep habarlaidy «Adyrna» tılşısı.
Aituynşa, el prezidentı Vladimir Zelenskiidıŋ tapsyrmasymen Ukraina soŋǧy künderı Türkiia jäne Bırıkken Arab Ämırlıkterındegı serıktesterımen kelıssözder jürgızgen. Būl memleketter tūtqyndardy almastyru jäne olardy Otanyna qaitaru prosesın ūiymdastyruǧa kömektesıp jatyr.
Qazırgı taŋda şamamen 1200 ukrainalyqty qaitaru boiynşa jūmys jürıp jatqany belgılı boldy.
«Kelıssözder nätijesınde taraptar Ystanbūl kelısımderın ıske qosuǧa kelıstı. Aldaǧy uaqytta barlyq räsımdık jäne ūiymdastyruşylyq mäselelerdı bekıtetın tehnikalyq konsultasiialar ötedı. Bız üzılıssız jūmys ıstep jatyrmyz. Tūtqynda otyrǧan ukraindar Jaŋa jyl men Rojdestvo merekelerın öz üilerınde qarsy alsa eken deimız»,- dep jazdy ol Telegram-arnasynda.
Eske salaiyq, 2 mausym künı Ystanbūlda ötken kelıssözder barysynda Resei men Ukraina auyr jaralanǧan äskeriler men 25 jasqa deiıngı tūtqyndardy almastyruǧa, sondai-aq bır-bırıne 6000 qaza tapqan äskeri qyzmetkerdıŋ denesın tapsyruǧa kelısken edı.
