Memleket basshysynyń ókimimen Syrtqy ister mınıstriniń birinshi orynbasary taǵaıyndaldy, dep habarlaıdy ”Adyrna” ulttyq portaly Aqordaǵa silteme jasap.
«Aqan Aqasuly Rahmetýllın Qazaqstan Respýblıkasy Syrtqy ister mınıstriniń birinshi orynbasary bolyp taǵaıyndaldy, ol Qazaqstan Respýblıkasy Syrtqy ister mınıstriniń orynbasary laýazymynan bosatyldy. Al Ádil Qapanuly Tursynov Qazaqstan Respýblıkasy Syrtqy ister mınıstriniń orynbasary laýazymyna taǵaıyndaldy», dep jazylǵan habarlamada.
Aqan Rahmetýllın 1967 jyly 2 aqpanda Almaty qalasynda dúnıege kelgen. 1991 jyly Almaty energetıkalyq ınstıtýtyn bitirgen. 1999 jyly – SIM Dıplomatııalyq akademııasyn bitirdi.
Dıplomatııalyq mansabyn 1993 jyly referent laýazymynan bastaǵan. Qazaqstannyń Pákistandaǵy, Avstrııadaǵy elshilikterinde, Qazaqstannyń Nıý-Iorktegi BUU janyndaǵy turaqty ókildiginde jumys istedi. Onda BUU Bas Assambleıasynyń úshinshi komıtetiniń jumysyn júrgizdi.
Syrtqy ister mınıstirliginiń Almatydaǵy ókiliniń keńesshisi bolǵan. Qazaqstannyń halyqaralyq uıymdarmen yntymaqtastyq máselelerine jetekshilik etti. Ortalyq apparatta kópjaqty yntymaqtastyq departamentin basqardy.
Aqan Rahmetýllın 2019 jyldan beri Qazaqstan Respýblıkasynyń Pákistan Islam Respýblıkasyndaǵy Tótenshe jáne Ókiletti elshisi qyzmetin atqarǵan.
I sanatty Tótenshe jáne Ókiletti Ýákil dıplomatııalyq dárejesi bar.
”Adyrna” ulttyq portaly
Басқалармен бөлісе отырыңыз
