Basty bet
Jaŋalyqtar
Syrtqy ıster ministrınıŋ bırınşı orynbasary taǧaiyndaldy

Syrtqy ıster ministrınıŋ bırınşı orynbasary taǧaiyndaldy

08.04.2022

3254

https://adyrna.kz/content/uploads/2022/04/1bf6340c-1894-4e20-825e-feec1477637d.jpeg

Memleket basşysynyŋ ökımımen Syrtqy ıster ministrınıŋ bırınşı orynbasary taǧaiyndaldy, dep habarlaidy ”Adyrna” ūlttyq portaly Aqordaǧa sılteme jasap.«Aqan Aqasūly Rahmetullin Qazaqstan Respublikasy Syrtqy ıster ministrınıŋ bırınşı orynbasary bolyp taǧaiyndaldy, ol Qazaqstan Respublikasy Syrtqy ıster ministrınıŋ orynbasary lauazymynan bosatyldy. Al Ädıl Qapanūly Tūrsynov Qazaqstan Respublikasy Syrtqy ıster ministrınıŋ orynbasary lauazymyna taǧaiyndaldy», dep jazylǧan habarlamada.
Aqan Rahmetullin 1967 jyly 2 aqpanda Almaty qalasynda düniege kelgen. 1991 jyly Almaty energetikalyq institutyn bıtırgen. 1999 jyly – SIM Diplomatiialyq akademiiasyn bıtırdı.

Diplomatiialyq mansabyn 1993 jyly referent lauazymynan bastaǧan. Qazaqstannyŋ Päkıstandaǧy, Avstriiadaǧy elşılıkterınde, Qazaqstannyŋ Niu-Iorktegı BŪŪ janyndaǧy tūraqty ökıldıgınde jūmys ıstedı. Onda BŪŪ Bas Assambleiasynyŋ üşınşı komitetınıŋ jūmysyn jürgızdı.

Syrtqy ıster ministırlıgınıŋ Almatydaǧy ökılınıŋ keŋesşısı bolǧan. Qazaqstannyŋ halyqaralyq ūiymdarmen yntymaqtastyq mäselelerıne jetekşılık ettı. Ortalyq apparatta köpjaqty yntymaqtastyq departamentın basqardy.

Aqan Rahmetullin 2019 jyldan berı Qazaqstan Respublikasynyŋ Päkıstan İslam Respublikasyndaǧy Tötenşe jäne Ökılettı elşısı qyzmetın atqarǧan.

I sanatty Tötenşe jäne Ökılettı Uäkıl diplomatiialyq därejesı bar.

”Adyrna” ūlttyq portaly

Ūqsas jaŋalyqtar