Basty bet
Jańalyqtar
Izraıldegi qazaqstandyqtardyń elge oralýy úshin kómek kórsetilip jatqany aıtyldy

Izraıldegi qazaqstandyqtardyń elge oralýy úshin kómek kórsetilip jatqany aıtyldy

08.10.2023

1988

Bolat Shaıhınov

QR Syrtqy ister mınıstrligi Izraıldegi soǵys jaǵdaıyna qatysty túsinikteme berdi, dep habarlaıdy "Adyrna" tilshisi.

Syrtqy ister mınıstrliginiń baspasóz hatshysy:

"Qazaqstannyń Tel-Avıvtegi Elshiligi Izraılde ornalasqan bizdiń azamattarmen turaqty baılanysta. Elshiliktiń senim telefony quryldy, olardyń otanyna oralýyna odan ári kómek kórsetý úshin Qazaqstan Respýblıkasy azamattarynyń tizimi jasaqtalýda", - deıdi Aıbek Smadııarov.

Sondaı-aq, Air Astana áýe kompanııasy Izraılge ushatyn reısterdi toqtatqan bolatyn. Qazir áýe kompanııa qazaqstandyqtardy Izraılden qaıtarý úshin bar kúsh-jigerin salýǵa ýáde berdi.

Al Tel-Avıvke ushqysy kelgen jolaýshylar úshin Air Astana balama reıster izdep jatqandyǵyn málimdedi kompanııa ókilderi.

"Qaýipsizdik maqsatynda kóptegen halyqaralyq áýekompanııa Tel-Avıvke/Tel-Avıvten reısterdi toqtata turýyna qaramastan, Air Astana áýe kompanııasy ushýǵa nıet bildirgen jolaýshylardy tasymaldaýdyń balama nusqalaryn izdestirýdi jalǵastyryp jatqanyn habarlaıdy", - dep jazylǵan habarlamada.

Kompanııa Tel-Avıvten Almatyǵa josparlanǵan KS650 reısine 138 jolaýshy bılet alǵanyn, onyń ishinde 37 qazaqstandyq bar ekenin atap ótti.

Sondaı-aq áýe kompanııasy Almaty-Tel-Avıv baǵyty boıynsha oryndalmaı qalǵan KS649 reısindegi shetel jolaýshylaryna bıletterdi qaıta brondaýǵa múmkindik baryn aıtty. Jolaýshylardyń qalaýyna sáıkes Túrkııa men Grýzııaǵa ushýǵa balama berildi.

"Áýe kompanııasy Izraılden ushýǵa nıet bildirgen barlyq qazaqstandyq oralýy úshin bar kúshin salyp jatyr", - dep tolyqtyrdy kompanııa.

Facebook - парақшамызға жазылыңыз!