Europa parlamentı Qytai qazaqtarynyŋ jaǧdaiyn talqylamaqşy Germaniia ükımetı de būl mäselenı jaqyn arada kün tärtıbıne alady dep kütılude dep habarlaidy "Zamana".
Dünie jüzı qazaqtarynyŋ V qūryltaiynda söz alǧan Germaniia qazaǧy Ömırhan Altyn elbasy Nūrsūltan Nazarbaevqa Qytai qazaqtarynyŋ qūqyqtary taptalyp, qatty saiasi qysym men qudalauǧa tap bolyp jatqanyn tıkelei jetkızgen edı.
Endı, Europa parlamentı Ömırhannyŋ aryzy boiynşa aldaǧy mamyr aiynda būl mäselenı qolǧa almaq.
Europa parlamentınıŋ adam qūqyqtary jönındegı komitetı bastyǧynyŋ orynbasary Varbara Lochvihler hanym Ömırhan Altynǧa jazǧan hatynda oǧan Şyǧys Türkıstandaǧy jaǧdai turaly bergen mälımetterı üşın alǧysyn bıldıre otyryp, özınıŋ ol jaqta adam qūqyqtarynyŋ öreskel türde taptaluyna qatty alaŋdauda ekenın aitty.
Sonymen bırge Ömırhan Altyn jaqyn arada Germaniia parlamentınıŋ (Bundestag) deputaty jäne adam qūqyqtary komitetınıŋ belsendı müşesı Margarete Bause hanymmen kezdesıp, Qytaida qazaqtar tap bolyp kele jatqan zūlymdyqtar, assimiliasiialau saiasaty turaly egjei-tegjeilı tüsındırgen.
«Qytailardyŋ qazaqtarmen qatar ūiǧyr syndy basqa da mūsylmandarǧa baǧyttalǧan adam sengısız san türlı qysym, qudalau täsılderın, kärı-jas demei jüz myŋdaǧan adamdardyŋ jazyqsyz türmelerge qamaluyn, ekıge bölıngen otbasylardyŋ aianyşty tūrmys jaǧdailaryn estıgende nemıs deputaty Vause hanymnyŋ közıne jas keldı», – deidı Ömırhan Altyn.
Germaniia parlamentınıŋ deputaty Bause hanym aldaǧy künderde Germaniia ükımetınıŋ būl mäselenı joǧary deŋgeide qolǧa aluyna küş jūmsaitynyn aitty.
Sonymen Europa parlamentımen qatar Germaniia ükımetı de Qytaidaǧy qazaqtardyŋ jaǧdaiyn aldaǧy künderde qolǧa aluy mümkın.
________________________________________________________________________________________________________________________Nur.kz
