Tarazda kölık köşenıŋ qaq ortasynda qazylǧan jylu magistralınıŋ şūŋqyryna tüsıp kettı. Būl turaly äleumettık jelılerde video tarady, dep habarlaidy “Adyrna” ūlttyq portaly.
Aqparptqa säikes, oqiǧa jeksenbıde Töle bi köşesınde bolǧan. Mūnda magistraldyq jylu jelılerın qaita jaŋǧyrtu jūmystary jürgızılıp jatyr. Videoda jol talǧamaityn kölıktıŋ joldyŋ däl ortasynda qazylǧan ülken şūŋqyrǧa tüsıp ketkenı körsetılgen. Zardap şekkender bar, sonyŋ ışınde balalar bar.
Videoda jürgızuşılerge qauıp turaly eskertetın bırde-bır belgı joq ekenı aitylady.
Oqiǧanyŋ män-jaiyn Jambyl oblystyq Polisiia departamentı tüsındırdı.
"16 mausymda saǧat 17:50-de Töle bi köşesımen Abai köşesı baǧytynda Lexus RX300 kölıgınıŋ jürgızuşısı "3.1 Kıruge tyiym salynady", "1.23 Jöndeu jūmystary" jol belgılerın elemei, joldyŋ jabyq bölıgıne ötıp ketken. Magistraldyq qūbyr jöndelıp jatqan jolda qorşalmaǧan şūŋqyrǧa tüsıp ketken", - delıngen habarlamada.
Apat saldarynan jürgızuşı, onyŋ äielı jäne kämeletke tolmaǧan ekı balasy zardap şektı. Olarǧa medisinalyq kömek körsetıldı. Poliseiler merdıgerdıŋ üstınen qylmystyq ıs qozǧady. Tergeuge deiıngı tekseru jürgızılıp jatyr.
Qala äkımşılıgı mälımetınşe, būǧan deiın būl joldyŋ jabylatyny turaly aqparat äleumettık jelıler men BAQ-ta taratylyp, arnaiy jol belgılerı ornatylǧan.
Ūqsas jaŋalyqtar
