Búgin Tarazda «Aýyl» jastary ózgeristerdi qalaıdy» taqyrybynda jastar forýmy ótti, dep habarlaıdy “Adyrna” ulttyq portaly.
Respýblıkalyq referendýmdy nasıhattaý jáne túsindirý maqsatynda uıymdastyrylǵan jıynǵa partııanyń Jambyl oblysy boıynsha fılıalynyń tóraǵasy Erbolat Saýryqov, jergilikti jastar saıasaty máseleleri basqarmasynyń ókilderi men belsendi jastar qatysty.
«El tarıhyndaǵy eleýli oqıǵaǵa beıjaı qaramaı belsendi qatysý – árbir azamattyń basty boryshy. Sebebi bul – búgingi Qazaqstannyń ǵana emes, keleshek urpaqtyń taǵdyryna tikeleı áser etetin mańyzdy sát. Elimizdiń bolashaǵy tikeleı osy referendýmǵa baılanysty bolyp otyr. Sol sebepti el úshin jany ashıtyn ár azamat osy referendýmǵa belsendi túrde qatysady dep oılaımyn», - dedi forýmnyń ashylýynda sóz alǵan E.Saýryqov.
Elimizdiń memlekettik basqarý júıesin ózgertip, saıası ahýalǵa jańa dem beretin Konstıtýııalyq referendým – memlekettiń árbir azamatyna úlken jaýapkershilik júktep qana qoımaı, aldaǵy kúnge mańyzdy qadam jasaýǵa jeteleıdi.
Forýmda stýdent jastar Ata Zańǵa engiziletin ózgerister men tolyqtyrýlar jobasy boıynsha respýblıkalyq referendýmdy qoldaı otyryp, paıymdy pikiri men oramdy oılaryn ortaǵa saldy. Konstıtýııaǵa engiziletin ózgerister men tolyqtyrýlar jaıly, konstıtýııalyq reformalardyń tujyrymdamalyq negizderi men erekshelikteri jáne reformalardyń negizgi baǵyttaryn túsindirýge tyrysty.
Eldi basqarý isine halyqtyń qatysý múmkindigin keńeıtý baǵyty boıynsha Halyqaralyq Taraz ınnovaııalyq ınstıtýtynyń stýdenti, respýblıkalyq jastar bıznes-startap jobasynyń júldegeri Erasyl Berdi óz pikirin jetkizdi.
Sondaı-aq, partııa jastar qanatynyń belsendi múshesi, Dzıýdo jáne qazaq kúresinen sport sheberine úmitker, Álem chempıonatynyń jáne halyqaralyq týrnırlerdiń júldegeri Jansaıa Yntyqbaı da sóz sóıledi.
«Jańa Qazaqstanǵa» qadam basýda bárimiz bir kisideı jumylsaq qana ózimiz qalaǵandaı memleket qura alamyz. Onyń jarqyn bolashaǵy úshin judyryqtaı jumylyp eńbek etý – árbirimizdiń perzenttik boryshymyz», - dep oıyn qorytyndylady ol.
Al jastar uıymdarynyń kóshbasshysy qatarynda júrgen, respýblıkalyq ǵylymı jobalar jeńimpazy Danabek Muratov referendýmda ózgeris engizý boıynsha basym daýys kórsetkishi bolǵan jaǵdaıda qandaı ózgerister bolatyny jóninde keńirek toqtaldy.
“Ata Zańymyz 30%-ǵa ózgeredi. Iaǵnı úshten biri. Bul óte úlken ózgerister ákeledi degen sóz. Onyń bastylarynyń biri – jer men onyń baılyǵy tikeleı halyqqa tıesili bolýy, tabıǵı resýrstar halyqtyń menshigi retinde zańdyq turǵyda bekitilýi, Prezıdent ókilettiginiń ózgerýi, májilistegi depýtattar sanynyń qysqarýy sekildi mańyzdy baǵyttar qamtylmaq. Bul Táýelsiz Qazaqstan tarıhynda alǵash ret bolǵaly turǵan saıası naýqan. Mundaı sátte eshkim de eldiń keleshegi úshin tys qalyp, syrt aınalmaýy tıis, - dep sózin túıindedi.
Sondaı-aq, jambyldyq «aýyl» jastary elimizdiń barlyq azamattary men jastaryna úndeý joldap, belsendilik tanytatyndyqtaryn jetkizdi.
Jastar «Biz Jańa Ádil Qazaqstandy birge órkendetemiz, birge quramyz!» uranymen tarqasyp, jurtshylyqty 5 maýsym kúni ótetin Referendýmǵa daýys berýge shaqyrdy.
”Adyrna” ulttyq portaly
