4 sáýirde Almatyda belgili dáriger-gastroenterologty atyp ketken edi. Dárigerdi úıiniń mańyndaǵy kólik turaǵynda óltirip ketken. Kóp uzamaı kúdikti de qolǵa tústi. Polıeıler Shýmkovty ózi emdegen naýqas atýy múmkin ekenin alǵa tartqan, dep habarlaıdy “Adyrna” ulttyq portaly “Astana” arnasyna silteme jasap.
Iýrıı Shýmkov dúısenbi kúni ádettegideı úıiniń mańyndaǵy turaqqa kelip, kóligin otaldyrǵan. Júrgizýshi kóliginde otyrǵan oǵan aldymen alystan oq atylǵan. Keıin qaskóı óz qurbanynyń aýyzynan taǵy bir ret atqan. Jaraly dárigerdi alǵashqylardyń biri bolyp kórgen turaq kúzetshisi Sadyqjan Iýldashev eken.
"Atys daýystaryn estidim. Keldim, barlyq jer qan boldy. Tipti bastapqyda kim ekenin tanymaı qaldym. Dál aýyzynan atyp ketken. Beti tolyǵymen qan boldy", - deıdi kúzetshi Sadyqjan Iýldashev.
Kýágerler eki ret atqan soń da dárigerdiń tiri bolǵanyn aıtady. Al qaskóı qylmys ornynan ketýge asyqpaǵan. Jolda ony kók tústi kólik kútip turypty.
"Aldymnan qarýmen júgirip ótti. Kútip tursa kerek, kólikke mindi de ketip qaldy. Tek memlekettik nómirin kórip úlgerdim. Kók tústi kólik, nómiri 309", - dep qosty Sadyqjan Iýldashev.
Qylmyskerge birden izdeý jarııalanǵan. Qalada arnaıy tutqyndaý jospary jarııalanyp, birneshe saǵattyń soń kúdikti qolǵa tústi. Ol 35 jastaǵy qala turǵyny eken. Polıeıler kúdiktiniń dárigerde qaralǵan naýqas bolýy múmkin ekenin alǵa tartty.
"Qylmysqa ne sebep bolǵany anyqtalyp jatyr. Er adamnyń dárigerde em qabyldaǵan naýqas bolýy múmkin ekenin joqqa shyǵarmaımyz. Qolynda qarý bolǵan. Tárkilenip, sot-ballıstıkalyq saraptamaǵa jiberildi", - dedi Almaty qalasy polıııa departamentiniń resmı ókili Saltanat Ázirbek.
Marqumnyń áriptesteri qaı naýqastyń mundaı qylmysty jasaýy múmkin ekenin bilmeıdi. Iýrıı Shýmkov óz isiniń mamany bolǵan. Gastroenterologııa ınstıtýty basshysynyń sózinshe, eshkimmen janjalǵa túspegen.
"Bizge psıhosomatıka boıynsha em alýǵa keledi. Múmkin psıhıkasy buzylǵan shyǵar. Alaıda tizimnen mundaı naýqasty tappadyq. Keremet dáriger edi. Emdegen naýqastary óte kóp. Barlyǵy tek oń pikir qaldyratyn. Jaýlary joq. Sebebi únemi kóńildi júretin adam edi", - dedi Gastroenterologııa ınstıtýtynyń dırektory Láılá Tashenov.
Marqumnyń artynda eki balasy qaldy. Qazir qylmystyq is qozǵalǵan. Qylmysy dáleldense, tutqyndalǵan azamat 15 jylǵa deıin bas bostandyǵynan aıyrylýy múmkin.
“Adyrna” ulttyq portaly
