"Qazaqstandaǵy keıbir sheneýnikter "AQSh-pen" jaqsy dos bolaıyq dep Reseıge qarsy shyǵýda. Sizder ózderińizge naqty ne keregin anyqtap alyńyzdar. Taǵy "Qańtar qyrǵyny" oryn alsa, biz sizderge kómektespeımiz". Mundaı pikirdi TMD elderi ınstıtýtynyń áskerı sarapshysy Vladımır Evseev "MK" basylymyna bergen suhbatynda aıtty, dep jazady "Adyrna" ulttyq portaly.
Osy jyldyń qańtarynda Reseı óziniń bitimgerlerin jibermegende, Qazaqstandaǵy jaǵdaı dramalyq sıpatta bolar edi, - dedi sarapshy.
– Biraq Reseı Qazaqstanǵa bitimgerlerdi jiberdi, sonyń arqasynda Qazaqstandaǵy turaqtylyqty saqtap qaldy. Al qazir keıbir sheneýnikter "Qudaı saqtasyn, bizge AQSh qarsy sankııalar engizbeýi úshin olarmen jaqsy dos bolaıyq" dep jatyr. Sizder naqty ne qalaıtyndaryńyzdy anyqtap alyńyzdar. Sizder Qańtarda júzege asyrmaqshy bolǵan "túrli-tústi revolıýııany" qalaısyzdar ma? Múmkin sizder tipti "túrli-tústi revolıýııanyń" jaqtaýshysy shyǵarsyzdar? Biraq eger "túrli-tústi revolıýııanyń" jaqtaýshysy bolsańyzdar, onda sizderge qarsy is qozǵaýǵa bolady. Óıtkeni, Qazaqstanǵa tóńkeris jasamaq bolǵan Reseı Federaııasy emes, - dep renishin bildirdi sarapshy.
Vladımır Evseevtiń aıtýynsha, Qazaqstanda orystardy jek kóretin "rýsofobtar" kóp.
- Qazaqstanda neshe túrli kózqarastar bar. Ol jaqta "rýsofobtar" kóp. Jaǵdaı bylaı: Bıylǵy "Qańtar oqıǵasy" bir nusqa boıynsha – AQSh pen Ulybrıtanııa uıymdastyrǵan tóńkeris áreketi. Endi Reseı Federaııasy «túrli-tústi revolıýııadan» qutqarǵan Qazaqstan: «Joq, biz Reseıge kómektespeımiz, óıtkeni sankııadan qorqamyz» dep otyr. Biraq eger sizge qarsy tóńkeris uıymdastyrǵan memlekettiń sankııalarynan qorqatyn bolsańyz, onda siz jaqyn arada sol sııaqty ekinshisin ala alasyz. Bul birinshi. Ekinshi. Qazir qalyptasyp kele jatqan kóppolıarly álemde Qazaqstannyń ózindik orny bar ma? Eger onyń orny bolmasa, onda, árıne, ol bárin durys jasaıdy. Biraq eger ol bir orynǵa ıe bolǵysy kelse, onda onyń daýys berý quqyǵy bolýy kerek. Jaǵdaı óte qarapaıym, - dedi ol. "
Sarapshy Qazaqstanda "Qańtar qyrǵyny" taǵy qaıtalansa Reseı kómektese almaıtynyn málimdedi.
"Qalaı bolǵanda da, Reseı aralasýǵa májbúr bolady. Biraq, eger Qazaqstanda Reseıge qarsy sózder nasıhattalsa, mınıstr bolyp "rýsofobtar" taǵaıyndalsa, eger qańtardaǵy qaıǵyly oqıǵaǵa ákep soqtyrǵan burynǵy kópvektorly baǵytty jalǵastyrýǵa talpynystar bolsa, onda Reseıge oǵan kezekti ret kómektesý kerek pe degen sheshim qabyldaý qıyn bolady. Bul Qazaqstannyń óz tańdaýy".
"Adyrna" ulttyq portaly
