Astanada elordalyq mádenıet basqarmasynyń burynǵy basshysy Bolat Majaǵulov ustaldy, dep habarlaıdy “Adyrna” ulttyq portaly Kozachkov Offside Telegram arnasyna silteme jasap.
Ol 2016 jyly Kún sýburqaǵynyń qurylysy kezinde urlyq jasady degen kúdikke ilingeni habarlandy.
Kozachkov offside Telegram arnasynyń jazýynsha, ol nysannyń ashylýy eks-prezıdent Nursultan Nazarbaevtyń týǵan kúnine oraılastyrylǵan. Alaıda 2017 jyldan bastap sýburqaq apatty jaǵdaıda tur.
Tergeý barysynda jobaǵa 1 mıllıard teńgeden asa qarajat jumsalǵany anyqtaldy. Sonymen qatar Mádenıet basqarmasy sýburqaq qurylysyn memlekettik satyp alý rásiminsiz júrgizgen. Onyń joba-smetalyq qujattamasy bolmaǵan jáne memlekettik saraptamadan ótpegen.
Keıin belgili bolǵandaı, nysan sapasyz materıaldardan jasalǵandyqtan, kóp uzamaı buzylyp qalǵan.
Tergeýge jaýapty Qarjy monıtorıngi agenttiginiń málimetinshe, bul iske sol kezdegi Astana qalasy Mádenıet basqarmasy basshysynyń tikeleı qatysy bar.
Tergeý aıasynda Bolat Majaǵulovtyń 3 kommerııalyq nysanyna, 2 avtoturaǵyna jáne premıým-klasty úıdegi páterine shekteý qoıyldy.
Bul is boıynsha kúdiktiler qatarynda sýburqaqty salǵan merdiger kompanııalardyń ókilderi de bar. Olardyń jalpy quny 500 mıllıon teńgeden asatyn múlki tárkilendi.
