Astanada elordalyq mädeniet basqarmasynyŋ būrynǧy basşysy Bolat Majaǧūlov ūstaldy, dep habarlaidy “Adyrna” ūlttyq portaly Kozachkov Offside Telegram arnasyna sılteme jasap.
Ol 2016 jyly Kün subūrqaǧynyŋ qūrylysy kezınde ūrlyq jasady degen küdıkke ılıngenı habarlandy.
Kozachkov offside Telegram arnasynyŋ jazuynşa, ol nysannyŋ aşyluy eks-prezident Nūrsūltan Nazarbaevtyŋ tuǧan künıne orailastyrylǧan. Alaida 2017 jyldan bastap subūrqaq apatty jaǧdaida tūr.
Tergeu barysynda jobaǧa 1 milliard teŋgeden asa qarajat jūmsalǧany anyqtaldy. Sonymen qatar Mädeniet basqarmasy subūrqaq qūrylysyn memlekettık satyp alu räsımınsız jürgızgen. Onyŋ joba-smetalyq qūjattamasy bolmaǧan jäne memlekettık saraptamadan ötpegen.
Keiın belgılı bolǧandai, nysan sapasyz materialdardan jasalǧandyqtan, köp ūzamai būzylyp qalǧan.
Tergeuge jauapty Qarjy monitoringı agenttıgınıŋ mälımetınşe, būl ıske sol kezdegı Astana qalasy Mädeniet basqarmasy basşysynyŋ tıkelei qatysy bar.
Tergeu aiasynda Bolat Majaǧūlovtyŋ 3 kommersiialyq nysanyna, 2 avtotūraǧyna jäne premium-klasty üidegı päterıne şekteu qoiyldy.
Būl ıs boiynşa küdıktıler qatarynda subūrqaqty salǧan merdıger kompaniialardyŋ ökılderı de bar. Olardyŋ jalpy qūny 500 million teŋgeden asatyn mülkı tärkılendı.
Ūqsas jaŋalyqtar
